‘ఒకే ఒక్కడు రేవంత్ రెడ్డి’ పుస్తకావిష్కరణ జరిగింది. ఒకే ఒక్కడు ఎనుముల రేవంత్ రెడ్డి అనే పుస్తకాన్ని గాంధీభవన్ లో ఆవిష్కరించారు. ఈ కార్యక్రమంలో టీపీసీసీ అధ్యక్షులు మహేశ్ కుమార్ గౌడ్, రచయిత వేణుగోపాల్ రెడ్డి తదితరులు పాల్గొన్నారు. సిఎం రేవంత్ పై రాసిన ఒకే ఒక్కడు పుస్తకాన్ని ఆవిష్కరించిన పిసిసి చీఫ్ మహేష్ గౌడ్ అనంతరం మాట్లాడారు.
విలక్షణమైన నాయకుడు రేవంత్ రెడ్డి అని… చిన్న వయసులో రాజకీయాల్లో డైనమిక్ లీడర్ గా ఎదిగిన వ్యక్తీ రేవంత్ రెడ్డి అన్నారు. ప్రజాస్వామ్యాన్ని తుంగలో తొక్కి, నిర్బందాలతో పాలన చేస్తున్న కేసీఆర్ పైన పోరాటం చేసిన వ్యక్తి రేవంత్ రెడ్డి…. రేపు ఆయన పుట్టిన రోజు సందర్భంగా ఒకే ఒక్కడు పుస్తక ఆవిష్కరణ చేసుకున్నామని తెలిపారు.
ఒకే ఒక్కడు పుస్తకాన్ని రచించిన వేణుగోపాల్ రెడ్డి, విజయార్కేకు అభినందనలు తెలిపారు. తెలంగాణ ప్రదేశ్ కాంగ్రెస్ కమిటి నుంచి ముందుగా రేవంత్ రెడ్డికీ పుట్టిన రోజు శుభాకాంక్షలు చెప్పారు. నిండు నూరేళ్ళు ఆయురారోగ్యాలతో సంతోషంగా ఎక్కువ కాలం రాజకీయాల్లో ఉండాలని మనస్సుపూర్తిగా కోరుకుంటున్నాన్నారు.
