కరోనా మహమ్మారి కారణంగా ఈ ఏడాది జేఈఈ మెయిన్స్, నీట్ పరీక్షల నిర్వహణ ఆలస్యమైన సంగతి తెలిసిందే. ఎట్టకేలకు కేంద్ర ప్రభుత్వం ఈ పరీక్షలు పెట్టేందుకు గ్రీన్ సిగ్నల్ ఇచ్చిన విషయం కూడా తెలిసిందే. అయితే తాజాగా ఈ పరీక్షల నిర్వహణపై కేంద్ర విద్యాశాఖ మంత్రి రమేష్ పోఖ్రియాల్ మరోమారు కీలక ప్రకటన చేశారు. ఈ పరీక్షలు షెడ్యూల్ ప్రకారమే జరుగుతాయని ఆయన స్పష్టం చేశారు.
NTA DG told me that 7.5 lakhs out of 8.58 lakhs candidates in JEE have downloaded admit cards. For NEET, over 10 lakhs out of 15.97 lakhs candidates downloaded admit cards in 24 hrs. It shows that students want that exams are held at any cost: Education Minister Ramesh Pokhriyal pic.twitter.com/LfOcHfRXSU
— ANI (@ANI) August 27, 2020
జేఈఈ పరీక్షలకు సంబంధించి మొత్తం 8.58 లక్షల అడ్మిట్ కార్డులకు గానూ 7.5 లక్షల అడ్మిట్ కార్డులను అభ్యర్థులు డౌన్‌లోడ్ చేసుకున్నట్లు ఆయన తెలిపారు. విద్యార్థులు పరీక్షలు రాసేందుకు సుముఖంగా ఉన్నట్లు ఈ పరిణామం స్పష్టం చేస్తోందన్నారు. ఇకపోతే ప్టెంబ‌ర్ 1 నుంచి 6 వ‌ర‌కు జేఈఈ మెయిన్ పరీక్షలు, సెప్టెంబ‌ర్ 13న నీట్ పరీక్ష నిర్వహించనున్నారు. ఐఐటీ కాలేజీల్లో ప్రవేశాల కోసం సెప్టెంబరు 27న జేఈఈ అడ్వాన్స్‌డ్ పరీక్షను షెడ్యూల్ చేశారు.
