మనం బజారుకు వెళ్లినప్పుడు చవకగా దొరికే ఆకుకూరల్లో పాలకూర ఒకటి. కానీ, దీని విలువ తెలిస్తే మాత్రం బంగారంతో సమానమని అంటారు. ముఖ్యంగా వయసు పెరిగే కొద్దీ వచ్చే కంటి చూపు సమస్యలు, ఎముకల బలహీనత, రక్తహీనత వంటి వాటికి పాలకూర ఒక అద్భుతమైన విరుగుడు. అయితే, దీనిలోని పోషకాలు మన శరీరానికి పూర్తిగా అందాలంటే వండే పద్ధతిలో కొన్ని మెలకువలు పాటించాలి. అవేంటో ఇప్పుడు చూద్దాం.
పాలకూరలో ఉన్న ఆ ‘మ్యాజిక్’ విటమిన్లు ఏవి: పాలకూరలో విటమిన్ A, C, K1 లతో పాటు మనకు ఎంతో అవసరమైన ఐరన్ (Iron), కాల్షియం పుష్కలంగా ఉంటాయి. ఇక కంటి చూపుకు, ఇందులోని ‘లుటిన్’ అనే పదార్థం వయసు పైబడిన వారిలో వచ్చే కంటి చూపు మందగించడాన్ని తగ్గిస్తుంది. ఇక ఎముకల బలానికి విటమిన్ K వల్ల ఎముకలు విరగకుండా బలంగా ఉంటాయి. బీపీ నియంత్రణకు: ఇందులో ఉండే నైట్రేట్లు రక్తపోటును అదుపులో ఉంచి గుండెను రక్షిస్తాయి.
ఇలా తింటేనే లాభం.. వండేటప్పుడు జాగ్రత్త: స్టీమింగ్ తో పాలకూరను ఎక్కువ సేపు ఉడికించకుండా, జస్ట్ ఆవిరి మీద ఉడికించి తింటే ఐరన్ బాగా అందుతుంది.
నిమ్మరసం కలపండి: పాలకూర తిన్నప్పుడు అందులోని ఐరన్ను శరీరం గ్రహించాలంటే విటమిన్ C అవసరం. అందుకే పాలకూర పప్పు లేదా కూరలో చివర్లో కొంచెం నిమ్మరసం పిండితే అద్భుతమైన ఫలితం ఉంటుంది. కడిగే పద్ధతి ముఖ్యం, ఆకులను కోయకముందే శుభ్రంగా కడగాలి. కోసిన తర్వాత కడిగితే పోషకాలు నీటిపాలు అవుతాయి.
వారానికి ఎన్నిసార్లు తినాలి?: 30 ఏళ్లు దాటిన వారు వారానికి కనీసం రెండు లేదా మూడు సార్లు పాలకూరను పప్పులోనో, కూరగానో లేదా సూప్ లాగానో తీసుకోవడం వల్ల శరీరానికి కావాల్సిన శక్తి అందుతుంది.
ప్రకృతి మనకు ఇచ్చిన చవకైన ‘సూపర్ ఫుడ్’ పాలకూర. సరైన పద్ధతిలో దీనిని మన ఆహారంలో భాగం చేసుకుంటే, మందుల అవసరం లేకుండానే మన ఆరోగ్యాన్ని కాపాడుకోవచ్చు అంటున్నారు నిపుణులు.
