ఇండియాలోకి మరో కొత్త జెట్ విమానసంస్థ ఎంట్రీ ఇస్తోంది. ప్ర‌పంచ‌వ్యాప్తంగా విమానయాన రంగం దూసుకుపోతోన్న నేప‌థ్యంలో విదేశీ విమానయాన సంస్థ‌లు కూడా సరికొత్త ఆఫర్లతో క‌స్ట‌మ‌ర్ల‌ను ఆక‌ర్షిస్తున్నాయి. ఈ క్ర‌మంలోనే మ‌న‌దేశంలోకి విదేశీ విమానయాన సంస్థ‌లు ఎంట్రీ ఇస్తున్నాయి. తాజాగా వియత్నాంకు చెందిన వియెట్‌ జెట్ సరికొత్త ఆఫర్లతో ముందుకు వచ్చింది. వియత్నాంకు చెందిన వియత్‌ జెట్ విమానయాన సంస్థ భారతదేశంలోకి ఎంట్రీ ఇస్తోంది.
డిసెంబర్ నుంచి ఈ సంస్థ త‌న సేవ‌ల‌ను ప్రారంభించ‌నుంది. డిసెంబర్ 6న ప్రారంభమయ్యే న్యూఢిల్లీ-హోచి మిన్ సిటీ మార్గంలో వారానికి నాలుగు రిటర్న్ విమానాలను నడుపుతామని తెలిపింది. హనోయి-ఢిల్లీ మార్గం డిసెంబర్ 7 నుంచి వారానికి మూడు రిటర్న్ విమానాలను నడుపుతారు. న్యూఢిల్లీ-హోచి మిన్ సిటీ మార్గంలో వారానికి నాలుగు రిటర్న్ విమానాలను న‌డ‌ప‌నున్నారు. ఈ రెండు న‌గ‌రాల మ‌ధ్య స‌ర్వీసులు డిసెంబర్ 7 నుంచి ప్రారంభ‌మ‌వుతాయి.
ఈ నేప‌థ్యంలోనే తొలి మూడు రోజుల‌కు ఈ సంస్థ అదిరిపోయే ఆఫ‌ర్లు ప్ర‌క‌టించింది. త్రి గోల్డెన్‌ డేస్‌ పేరుతో స్పెషల్‌ ప్రమోషన్‌ సేల్‌ నిర్వహిస్తోంది. ఆగస్టు 20-22వరకు రూ. 9 ప్రారంభ ధరతో సూపర్-సేవింగ్ టిక్కెట్లను అందిస్తోంది. విస్తరిస్తున్న నెట్‌ వర్క్‌ లో ఇండియా తమ ప్రాధాన్యత మార్కెట్లలో ఒకటిగా గుర్తిస్తున్న‌ట్టు ఈ సంస్థ ప్ర‌తినిధులు స్ప‌ష్టం చేశారు.
