ఆంధ్రప్రదేశ్ రాష్ట్రంలో నిమ్మగడ్డ రమేష్ కుమార్ లెటర్ వార్తలు చాలా వైరల్ గా మారాయి. రాష్ట్ర ప్రభుత్వంపై విమర్శలు చేసే విధంగా అప్పట్లో నిమ్మగడ్డ రమేష్ కుమార్ పేరిట కేంద్ర హోంశాఖ కి లెటర్ వెళ్లడం జరిగింది. ఆ సమయంలో ఎవరూ లెటర్ రాశారు అన్న దాని గురించి క్లారిటీ రాకముందే తెలుగుదేశం పార్టీ నాయకులు ఆ లెటర్ ని ఆధారం చేసుకుని జగన్ ని తీవ్ర స్థాయిలో విమర్శలు చేయడం జరిగింది.
అయితే ఈ సందర్భంలో టీడీపీ కార్యాలయం నుండి ఈ లెటర్ కేంద్ర హోం శాఖకు వెళ్ళినట్లు తన దగ్గర ఆధారాలు ఉన్నాయని నిమ్మగడ్డ పై క్రిమినల్ చర్యలు తీసుకోవాలని విజయసాయిరెడ్డి అంటున్నారు. అంతేకాకుండా ఆ లెటర్ లో ఉన్నది నిమ్మగడ్డ సంతకం కాదు అని గట్టిగా నమ్ముతున్నా విజయ్ సాయి రెడ్డి .. ఈ విషయం లో ఫోరెన్సిక్స్ ని రంగం లోకి దింపి ఫోర్జరీ విషయం బయటపెట్టే ఆలోచనలో ఉన్నట్టు సమాచారం. ఈ నేపథ్యంలో ఫోరెన్సిక్ అధికారులు రంగంలోకి దిగితే తెలుగుదేశం పార్టీ నాయకులు ఇరుక్కునే అవకాశం ఉందని ఏపీ రాజకీయాల్లో టాక్.
