సీఎం కేసీఆర్ నిండు నూరేళ్లు ఆరోగ్యంగా ఉండాలి – విజయసాయిరెడ్డి

తెలంగాణ రాష్ట్ర సీఎం కేసీఆర్ నిండు నూరేళ్లు ఆరోగ్యంగా ఉండాలని కోరారు వైసీపీ ఎంపీ విజయ సాయిరెడ్డి. ఇవాళ తెలంగాణ ముఖ్యమంత్రి కేసీఆర్ పుట్టిన రోజు. ఈ సందర్భంగా రాజకీయ, సినీ, క్రీడా, వ్యాపార రంగ ప్రముఖులు, అభిమానులు, కార్యకర్తలు కేసీఆర్​కు జన్మదిన శుభాకాంక్షలు తెలుపుతున్నారు.

తెలంగాణ రాష్ట్ర వ్యాప్తంగా సీఎం బర్త్ డే ఘనంగా నిర్వహించడానికి బీఆర్ఎస్ శ్రేణులు ఏర్పాట్లు చేశారు. కేసీఆర్ కటౌట్లు, హోర్డింగులతో తెలంగాణ అంతా గులాబీ మయమైపోయింది. ఈ నేపథ్యంలోనే, సీఎం కేసీఆర్‌ కు వైసీపీ ఎంపీ విజయ సాయిరెడ్డి పుట్టిన రోజు శుభాకాంక్షలు చెప్పారు. తెలంగాణ రాష్ట్ర సీఎం కేసీఆర్ నిండు నూరేళ్లు ఆరోగ్యంగా ఉండాలని, కేసీఆర్‌ కు ఎప్పుడు వెంకటేశ్వర స్వామి ఆశీస్సులు ఉండాలని ట్వీట్‌ చేశారు.