నిద్రిస్తున్న మహిళను ఎత్తుకెళ్లి సామూహిక అత్యాచారానికి పాల్పడిన ఘటన ఉత్తర్ ప్రదేశ్ గోరఖ్పుర్లో చోటుచేసుకుంది. అత్యాచారం తర్వాత బాధితురాలిని వదిలిపెట్టగా ఆమె సమీపంలోని పోలీస్ స్టేషన్ లో ఫిర్యాదు చేసింది. కేసు నమోదు చేసుకున్న పోలీసులు దర్యాప్తు చేపట్టారు.
అసలేం జరిగిందంటే.. ఉత్తర్ప్రదేశ్ గోరఖ్పుర్లో రైల్వే స్టేషన్ బయట నిద్రిస్తున్న వివాహితను ఎత్తుకెళ్లి సామూహిక అత్యాచారానికి పాల్పడ్డారు దుండగులు. మహారాజ్గంజ్ జిల్లాకు చెందిన 25 ఏళ్ల వివాహిత భర్తతో గొడవపడి ఇంట్లో నుంచి వచ్చేసింది. అనంతరం గోరఖ్పుర్కు చేరుకున్న మహిళ.. రైల్వేస్టేషన్ బయట పడుకుంది. ఈ క్రమంలోనే బుధవారం అర్ధరాత్రి 11 గంటల సమయంలో రైల్వే స్టేషన్కు వచ్చిన ముగ్గురు దుండగులు ఆమెను వేధించారు.
అనంతరం ఒంటరిగా ఉన్న ఆమెను ఎత్తుకెళ్లి సామూహిక అత్యాచారానికి పాల్పడ్డారు. ఆ తర్వాత బాధితురాలిని వదిలిపెట్టగా.. సమీపంలోని జీఆర్పీ పోలీస్ స్టేషన్లో ఫిర్యాదు చేసింది. దీనిపై కేసు నమోదు చేసుకున్న పోలీసులు.. దర్యాప్తు చేపట్టారు. బాధితురాలిని వైద్య పరీక్షల నిమిత్తం ఆస్పత్రికి తరలించారు.
