ఎవరి పిచ్చి వాళ్లకు ఆనందం… ఫ్యాషన్ ప్రపంచం కొత్త పుంతలు తొక్కిన తర్వాత ఈ మాట అక్షర సత్యం. పిచ్చి అంటే కొందరు బాధపడతారు లెండి. తమను తాము కొత్తగా చూపించడానికి చాలా మంది అనవసరంగా ప్రయాస పడుతూ ఉంటారు. అందుకోసం ప్రాణాలకు తెగించే బ్యాచ్ కూడా ఒకటి ఉంటుంది. దేవుడు ఇచ్చిన రూపానికి సంతృప్తి చెందని కొందరు వ్యక్తులు, సరికొత్త రూపం కోసం ప్రయత్నాలు చేస్తారు. 
ఈ క్రమంలో వాళ్ళు అనారోగ్యాల పాలవుతు ఉంటారు. తాజాగా ఒక అమ్మాయిని చూస్తే ఇదే విషయం స్పష్టంగా అర్ధమవుతుంది. బల్గేరియాకు చెందిన 22 ఏళ్ల ఆండ్రియా ఇవానోవాకు తన పెదవులు పెద్దగా ఉండటం అనేది చాలా ఇష్టం. అందుకోసం కొన్ని రోజుల నుంచి చాలా కష్టపడుతుంది. ఈ ప్రయత్నంలో భాగంగానే ఆమె తన పెదవులకు 17 సార్లు హైయాలురోనిక్ యాసిడ్ ఇంజక్షన్లు చేయించుకుంది. దీనితో ఆమె పెదవులు ప్రపంచంలో అతి పెద్ద పెదవులుగా గుర్తింపు పొందాయి.
అయినా సరే ఆమె సంతృప్తి చెందడం లేదట. ఆమె ఇంజక్షన్ కోసం 134 పౌండ్లు (రూ.12,350) ఖర్చు చేస్తుంది. ఈ నెల చివర్లో మరో ఇంజక్షన్ కూడా ఖర్చు చేస్తుంది. దీనిపై ఆమె స్పందించింది. పెదవులు పెద్దగా ఉండటం అంటే తనకు చాలా ఇష్టమట. ఈ కొత్త పెదవులతో తాను ఎంతో సంతోషంగా ఉన్నానని చెప్తుంది. పెదవులు పెద్దవిగా ఉంటే చాలా అందంగా ఉంటారట. ఈ విధానం కోసం బల్గేరియా రాజధాని సోఫియాలో ప్రతి క్లినిక్‌కు వెళ్లానని… నా పెదవుల్లో ఎన్నోరకాల లిప్ ఫిల్లర్లు ఉన్నాయని చెప్పుకొచ్చింది.
