భారతదేశ 71 వ గణతంత్ర దినోత్సవం సందర్భంగా, అమృత్సర్‌లోని ప్రభుత్వ పాఠశాల ఉపాధ్యాయుడు ఒకరు 71,000 టూత్‌పిక్‌లతో జాతీయ జెండాను తయారు చేశారు. ఈ ఘనత సాధించడానికి 40 రోజులు తీసుకున్న టీచర్ బల్జిందర్ సింగ్, దీనిపై మాట్లాడుతూ “రిపబ్లిక్ దినోత్సవానికి ముందు, నేను టూత్‌పిక్‌లతో జాతీయ జెండాను తయారు చేసాను” అని జాతీయ మీడియాకు వివరించారు.
“చాలా కాలంగా, ఇంతకు ముందు ఎవరూ చేయని పని చేయాలని నేను ఆలోచిస్తున్నాను. కాబట్టి, నేను ఈ ఆలోచనతో వచ్చాను. ఇది పొడవైన జెండా కావాలని నేను కోరుకుంటున్నాను. జెండా పూర్తి చేయడానికి నాకు 40 రోజులు పట్టింది” అని సింగ్ వివరించారు. “జిల్లా స్థాయిలో, మాకు రిపబ్లిక్ డే వేడుక ఉంటుంది. ఈ సందర్భంగా నా జెండాను ప్రదర్శించడానికి ప్రయత్నిస్తాను” అని చెప్పుకొచ్చారు.
ప్రస్తుతం దీనికి సంబంధించిన ఫోటో ఒకటి సోషల్ మీడియాలో వైరల్ గా మారింది. టీచర్ కృషికి సోషల్ మీడియాతో పలువురు అభినందిస్తున్నారు. “మీ దేశభక్తికి మేము వందనం చేస్తున్నాము” అని ఒకరు కామెంట్ చేసారు. మీ దేశ భక్తిని చూసి మేము ఎంతగానో గర్విస్తున్నాం అంటూ పలువురు అభినందిస్తున్నారు. కాగా రిపబ్లిక్ డే వేడుకలను పంజాబ్ లో ఘనంగా నిర్వహిస్తారు.
Punjab: A government school teacher, Baljinder Singh from Amritsar has made a national flag using toothpicks. He says,"I have made the national flag using 71,000 toothpicks to mark the 71st Republic day. It took me 40 days to complete it". pic.twitter.com/MO8eOg5bbw
— ANI (@ANI) January 23, 2020
