సిరిసిల్ల జిల్లాల్లో దారుణం చోటు చేసుకుంది. ఎస్ఐ వేధింపులకు ఓ యువకుడు సూసైడ్ చేసుకున్న ఘటన ఆదివారం చోటు చేసుకుంది. వివరాల్లోకి వెళితే.. ఇల్లంతకుంట మండలం రహీంఖాన్ పేట గ్రామానికి చెందిన రెబ్బల వంశీ అనే వ్యక్తి.. అదే గ్రామానికి చెందిన తన దగ్గరి బంధువుల దగ్గర ట్రాక్టర్ నడుపుతూ కుటుంబాన్ని పోషిస్తున్నాడు. పొలం దున్నే సమయంలో ప్రమాదవశాత్తు ట్రాక్టర్లో తన చేతు ఇరుక్కుపోయి ఒక చేతిని కోల్పోయాడు వంశీ.
దీంతో ఆర్థిక సహాయంతో పాటు ఎకరం భూమి కూడా వంశీకి ఇస్తామని ఒప్పుకున్నారు అతని బంధువులు. అయితే ఈ సంఘటన జరిగి నెలలు గడుస్తున్నా.. తనకు ఇస్తానన్న సహాయం అందకపోవడంతో 15 రోజుల క్రితం బంధువుల ఇంటి ముందు గుడిసె వేసుకొని నిరసన తెలిపారు వంశీ బంధువులు. ఈ నేపథ్యంలో అక్కడికి చేరుకున్న ఎస్సై గుడిసెను తొలగించాడు. అంతే కాదు.. కేసు పెట్టినా మీకు డబ్బులు రావని వంశీ కుటుంబ సభ్యులను ఎస్ఐ బెదిరించినట్లు కుటుంబ సభ్యుల ఆరోపణలు చేస్తున్నారు. దీంతో మనస్తాపం చెందిన వంశీ.. నిన్న రాత్రి పురుగుల మందు తాగి ఆత్మహత్య యత్నం చేశాడు. అంతలోనే వంశీని కరీంనగర్ లోని ఓ ఆస్పత్రికి తరలించారు. కానీ వంశీ చికిత్స పొందుతూ ఈరోజు ఉదయం కరీంనగర్ హాస్పిటల్లో మృతి చెందాడు.
