కొరటాల శివ దర్శకత్వంలో యంగ్ టైగర్ ఎన్టీఆర్ నటిస్తున్న తాజా చిత్రం దేవర. ఈ చిత్రంలో అలనాటి తార శ్రీదేవి కూతురు జాన్వి కపూర్ కథానాయికగానటిస్తుంది. బాలీవుడ్ యాక్టర్ సైఫ్ అలీ ఖాన్ ఈ చిత్రంలో విలన్ పాత్రను పోషిస్తున్నాడు. ఇక ఈ సినిమా రెండు పార్టులుగా రానుందని ఇప్పటికే మేకర్స్ ప్రకటించిన సంగతి తెలిసిందే. మొదటి భాగం ఏప్రిల్ 5న విడుదల కానుంది. ఇప్పటికే ఈ చిత్రం నుంచి వచ్చిన ఫస్ట్ లుక్ కు ప్రేక్షకుల నుంచి మంచి స్పందన లభించింది.
సంక్రాంతి కానుక‌గా ఈ మూవీ నుంచి మేకర్స్ గ్లింప్స్ రిలీజ్ చేశారు. ఎప్పుడెప్పుడా? అని అభిమానులు ఆత్రుతతో ఎదురుచూస్తున్న తారక్ ‘దేవర’ గ్లింప్స్‌ను చిత్ర యూనిట్ సోష‌ల్ మీడియా వేదిక‌గా రిలీజ్ చేసింది.
ఒక నిమిషం 19 సెకన్లు ఉన్న ఈ గ్లింప్స్ ఫుల్ యాక్ష‌న్ మోడ్‌లో ఉంది. చాలా రోజుల తర్వాత ఈ చిత్రంలో మాస్ లుక్ లో ఎన్టీఆర్ కనిపించబోతున్నాడు.ఇక వీడియో చివ‌రిలో ఎన్టీఆర్ చేప్పే ‘ఈ సముద్రం సేపల్ని కంటే కత్తుల్ని, నెత్తుర్నే ఎక్కువ చూసుండాది అందుకే దీన్ని ఎర్రసముద్రం అంటారుస అనే డైలాగ్ ఫ్యాన్స్ కి గూస్ బంప్స్ వస్తుంది.
