టెస్లా సంస్థ ఇప్పటికే విద్యుత్‌ కార్లు, అటానమస్‌ కార్ల తయారీలో తనదైన ముద్ర వేసింది. ప్రపంచ వ్యాప్తంగా గుర్తింపు పొందింది. అయితే ఇప్పుడు ఈ సంస్థ రోబోటిక్ రంగంలోనూ తన సత్తా చాటేందుకు సిద్ధమవుతోంది. ఇందులో భాగంగానే పలు రోబోలను రూపొందించింది. అయితే తాజాగా టెస్లా సంస్థ తయారు చేసిన భవిష్యత్‌ హ్యుమనాయిడ్‌ రోబో ‘ఆప్టిమస్‌’కు సంబంధించిన వీడియోను ఆదివారం తమ అధికారిక ఎక్స్‌ (ట్విటర్‌)లో పంచుకుంది.
ఈ వీడియోలో హ్యుమనాయిడ్‌ రోబో యోగా చేస్తోంది. వస్తువులను గుర్తించి వాటిని ఓ క్రమ పద్ధతిలో సర్దుతోంది. మనిషి మధ్యలో కలగజేసుకొని ఏవైనా మార్పులు చేసి పనిని మరింత కష్టతరంగా మార్చినా.. రోబో దాన్ని కూడా అర్థం చేసుకోగలుగుతోంది. ప్రస్తుతం ఈ వీడియో నెట్టింట్లో వైరల్ అవుతోంది. ఎలాన్ మస్క్ మామూలోడు కాదురోయ్ అంటూ నెటిజన్లు కామెంట్లు చేస్తున్నారు. మస్క్ రోబోటిక్ రంగంలో అడుగుపెట్టాడంటే.. ఇక త్వరలోనే అందరూ తమ పర్సనల్ అసిస్టెంట్లుగా రోబోలను పెట్టేసుకోవడానికి రెడీగా ఉండండి అంటూ మరికొందరు అంటున్నారు.
ఈ వీడియోలో రోబో యోగాలో వివిధ రకాల భంగిమలను ప్రదర్శిస్తోంది. తన కాళ్లు, చేతులపై పూర్తి నియంత్రణను కలిగి ఉంది. టెస్లా కార్ల తరహాలోనే న్యూరల్‌ నెట్‌వర్క్‌ ద్వారా వీడియో ఇన్‌పుట్‌ను క్షుణ్నంగా సమీక్షించి తదనుగుణంగా ఔట్‌పుట్‌ను అందిస్తోంది. మరోవైపు ఈ వీడియోపై స్పందించిన టెస్లా అధినేత మస్క్.. హ్యుమనాయిడ్‌ రోబో తయారీలో పురోగతి సాధించినట్లు చెప్పారు.
Optimus can now sort objects autonomously 🤖
Its neural network is trained fully end-to-end: video in, controls out.
Come join to help develop Optimus (& improve its yoga routine 🧘)
→ https://t.co/dBhQqg1qya pic.twitter.com/1Lrh0dru2r
— Tesla Optimus (@Tesla_Optimus) September 23, 2023
