గుప్పెడంతమనసు ఈరోజు ఎపిసోడ్ లో వసుసధార కుంటుకుంటూ వెళ్తుంది. రిషీ పిలిచి కాలుకి ఏమైంది అని అడిగితే..ఏదో చిన్న ప్లాబ్లమ్ అంతే తగ్గిపోతుంది, బాగానే నడుస్తున్నాను సార్ అంటుంది. రిషీ మనసులో ఏంటో ఈ పొగరు, కిందపడ్డా తనదే పై చేయి అనుకుంటుంది, కాలుకి ఏమో అయింది, కుంటుతుంది అయినా ఒప్పుకోదు అనుకుంటాడు. వసూ శిరీష్ దగ్గరకు వచ్చి డ్యాన్స్ ప్లాక్టిస్ చేయటానికి వెళ్తుంది. అలా ప్రాక్టీస్ చేయబోతుంది..ఇంతలో రిషీ వస్తాడు. కుంటుకుంటూ డ్యాన్స్ చేస్తే బాగుంటుందా అని రిషీ అడిగితే..శిరీష్ అప్పుడు ఏమైంది అని అడుగుతాడు. కాలు కొంచెం బెనికింది అంటుంది వసూ..అయినా పర్లేదు నేను డ్యాన్స్ చేస్తాను అంటుంది. రిషీ కాలు నొప్పితో డ్యాన్స్ చేయటం కుదరదు, నొప్పి ఇంకా ఎక్కువ అవుతుంది అంటాడు. శిరీష్ మీకెందుకు సార్ టెన్షన్ చిటికెలో తగ్గిస్తాను అని ఒక చైర్ తీసుకొచ్చి వసూని అందులో కుర్చోపెట్టి కాలు శిరీష్ మోకాలుపై పెట్టుకుని కాలు అటూఇటూ తిప్పుతాడు. పెయిన్ పోతుంది. ఇదంతా చూస్తున్న రిషీకి కాల్తా ఉంటుంది. అక్కడినుంచి తన క్యాబిన్ కి వచ్చి నేను.. శిరీష్ వసుధారతో క్లోస్ గా ఉంటే ఎందుకు డిస్టబ్ అవుతున్నాను, అయినా వసుధార శిరీష్ తో అంత క్లోజ్ గా ఉండటం అవసరమా అనుకుంటాడు. ఇటువైపు డ్యాన్స్ ప్రాక్టీస్ రూంకి జగతి, మహేంద్ర వస్తారు. వాళ్లు అలా చూస్తారు.
వసూ డ్యాన్స్ ప్రాక్సీట్ చేస్తూ ఉంటుంది. ఫోన్ మోగటం జగతి, మహేంద్ర చూసి..వసూ ఫోన్ మహేంద్ర నేను మాట్లాడితే మర్యాదగా ఉండదు అంటుంది జగతి. కనీసం ఎవరో ఏంటో చూడు జగతి అంటాడు మహేంద్ర. ఇటుపక్క ధరణి..అత్తయ్యగారు, ఫోన్ రింగ్ అవుతుంది, ఏం మాట్లాడాలో, ఏం అడగాలో నాకేం అర్థంకావట్లేదు అంటే..ఒక్క పనికి కూడా పనికిరావేంటి నువ్వు అని నేను మాట్లాడతా అని ఫోన్ తీసుకుంటుంది దేవయాని. జగతి ..ధరణి అని చూసి నేను మాట్లాడితే ఏం బాగుంటుంది అనుకుంటూ ఉంటుంది. మహేంద్ర నేను మాట్లాడుతా అని తీసుకుని హలో అంటాడు. దేవయాని హలో అనటంతో..మహేంద్ర గొంతు గుర్తుపట్టి వదినా అంటాడు. దేవయానికి ఫీజులు ఎగిరిపోతాయ్..ఫోన్ వెంటనే ధరణికి ఇచ్చి మాట్లాడు అంటుంది. ధరణి కూడా చాలా తెలివిగా..ఆ మావయ్యగారు అంటే..ఏంటి ఇందాక మాట్లాడింది వదినే కదా అంటాడు మహేంద్ర.. అవును, మీతో ఏదో మాట్లాడాలంటా అని ఫోన్ మళ్లీ దేవయానికి ఇస్తుంది. ఈ సీన్ భలే కామెడీగా ఉంటుంది. దేవయాని..నీకు ఏమన్నా మెంటలా ఏదో ఒకటి చెప్పి కవర్ చేయాలికానీ, ఫోన్ మళ్లీ నాకే ఇస్తావ్ అంటుంది. ధరణి ఫోన్ తీసుకుని కొంచెం ముందుకెళ్లి.. అత్తయ్యగారు వసుధారతో మాట్లాడాలని ప్లాన్ వేశారు మావయ్య.. అదికాస్తా బెడిసికొట్టింది..నేను వివరాలన్నీ తర్వాత చెప్తాను అని ఫోన్ పెట్టేస్తుంది. జగతి ఏమైంది అని అడిగితే..వదిన ధరణి ఫోన్ నుంచి వసుధారతో మాట్లాడాలి అనుకుంది అని చెప్తాడు..జగతి..అక్కయ్య ఈ మధ్య వసుధారమీద కూడా విషం కక్కాలని చూస్తుంది అని వసూ వైపు అలా చూస్తారు. మహేంద్రతో వసుధార గురించి మాట్లాడకుంటారు.
