బయటకు వెళ్లాలంటే ఒకప్పుడు రిక్షాలు తరువాత ఆటోలు అందుబాటులో ఉండేవి. కానీ ఇప్పుడు ఓలా, ఊబర్, లాంటి సర్వీస్లకు అలవాటుపడ్డాం..మన అవసరం వాళ్ళు క్యాచ్ చేసుకొని, వసూల్ చేస్తున్నారు క్యాబ్ బుక్ చేయాలంటే చాలు.. భారీ ఛార్జీలు, క్యాన్సిలేషన్ తిప్పలు గుర్తొచ్చి తలనొప్పి పుడుతుంది అయితే మీకో గుడ్ న్యూస్! డ్రైవర్లను కేవలం కార్మికులుగా కాకుండా, భాగస్వాములుగా మార్చే అద్భుతమైన ‘భారత్ టాక్సీ’ యాప్ను కేంద్ర ప్రభుత్వం నేటి నుంచే అందుబాటులోకి తెచ్చింది. భారత్ టాక్సీ యాప్ ను కేద్ర హోమ్ మంత్రి అమిత్ షా ప్రారంభించనున్నారు. ఇక ప్రయాణికులకు తక్కువ ధర, డ్రైవర్లకు ఎక్కువ లాభం అనే సూత్రంతో పనిచేసే ఈ యాప్, ప్రైవేట్ కంపెనీల దోపిడీకి చెక్ పెడుతూ డిజిటల్ రవాణా రంగంలో సరికొత్త విప్లవానికి నాంది పలకబోతోంది. వివరాలు తెలుసుకుందాం..
డ్రైవర్లకు దక్కుతున్న అసలు వాటా: ప్రస్తుతం మనం వాడుతున్న ఓలా, ఊబర్ వంటి యాప్లలో డ్రైవర్లు తాము సంపాదించిన దానిలో 25 నుంచి 30 శాతం వరకు కమిషన్ కట్టాల్సి వస్తోంది. కానీ ‘భారత్ టాక్సీ’ యాప్ ద్వారా ఈ దోపిడీకి అడ్డుకట్ట పడనుంది. ఇందులో డ్రైవర్లే ప్రధాన వాటాదారులుగా ఉంటారు. కేంద్రం ఈ ప్లాట్ఫామ్ను ‘ఓపెన్ నెట్వర్క్ ఫర్ డిజిటల్ కామర్స్’ పద్ధతిలో రూపొందించడం వల్ల, మధ్యవర్తుల ప్రమేయం ఉండదు.
ఫలితంగా డ్రైవర్లు కట్టాల్సిన భారీ కమిషన్లు తగ్గి, వారి ఆదాయం నేరుగా వారి జేబుల్లోకే వెళ్తుంది. ఇది డ్రైవర్ల కుటుంబాల్లో ఆర్థిక భరోసాను నింపడమే కాకుండా, వారు మరింత ఉత్సాహంతో సేవలు అందించేలా ప్రోత్సహిస్తుంది.
సామాన్యులకు ఊరటనిచ్చే ఛార్జీలు: సాధారణంగా పీక్ అవర్స్లో ప్రైవేట్ క్యాబ్ సంస్థలు రెట్టింపు ధరలు వసూలు చేయడం మనం చూస్తుంటాం. భారత్ టాక్సీ యాప్ ద్వారా ఈ సమస్యకు పరిష్కారం లభించనుంది. పారదర్శకమైన ధరల విధానం వల్ల ప్రయాణికులకు ఇతర యాప్లతో పోలిస్తే తక్కువ ధరకే ప్రయాణం సాధ్యమవుతుంది.
అలాగే, డ్రైవర్లకు మెరుగైన లాభాలు వస్తుండటంతో వారు రైడ్లను క్యాన్సిల్ చేసే అవకాశాలు కూడా తగ్గుతాయి. ప్రభుత్వం పర్యవేక్షణలో ఉండటం వల్ల భద్రత పరంగా కూడా ప్రయాణికులకు ఇది నమ్మదగిన వేదికగా మారుతుంది. లోకల్ ఆటోలు, ట్యాక్సీలు అన్నీ ఒకే గొడుగు కిందకు రావడం వల్ల వినియోగదారులకు ఆప్షన్లు కూడా పెరుగుతాయి.
భారత్ టాక్సీ యాప్ కేవలం ఒక యాప్ మాత్రమే కాదు, ఇది డ్రైవర్ల ఆత్మగౌరవానికి మరియు సామాన్యుల జేబుకు రక్షణ ఇచ్చే ఒక గొప్ప ముందడుగు. సాంకేతికతను సామాన్యులకు చేరువ చేస్తూ, కార్పొరేట్ గుత్తాధిపత్యాన్ని తగ్గించే ఇలాంటి ప్రయత్నాలు భవిష్యత్తులో రవాణా వ్యవస్థ రూపురేఖలను మార్చేస్తాయి. ఈ రోజు నుంచే మీ ఫోన్లో ఈ యాప్ను డౌన్లోడ్ చేసుకుని, మార్పులో భాగస్వాములు అవ్వండి. హ్యాపీ అండ్ సేఫ్ జర్నీ!
