మామూలుగా వెండింగ్ మెషీన్‌ అంటే కావాల్సిన వస్తువులను అందిస్తుంది. కానీ ఖాళీ ప్లాస్టిక్‌ బాటిళ్లు, ఉపయోగపడని వస్తువులను తీసుకుని ఈ మెషీన్‌ వాటికి బదులుగా డబ్బు లేదా కూపన్లను ఈ రివర్స్ వెండింగ్ యంత్రాలు అందిస్తాయి. ఇటువంటి మెషీన్లని భారతీయ రైల్వే స్టేషన్ల లో కూడా ఏర్పాటు చేయడం జరిగింది. ఇలా ఇటువంటి వాటిని అనేక చోట్ల పెట్టడం జరిగింది. వీటి వల్ల కలిగే ఉపయోగాలు ఏమిటి అనే విషయానికి వస్తే..
ఈ రివర్స్ వెండింగ్ మెషీన్ల వల్ల వాడేసిన వస్తువుల్ని ఎక్కడ పడితే అక్కడ పడేయకుండా మిషన్ కలెక్ట్ చేసుకుని రీసైకిల్ కి ఉపయోగపడుతుంది. నిజంగా ఇది ఎంత గొప్ప ఆలోచనో కదూ….! ఇవి ఇప్పుడు నెట్టింట్లో వైరల్ గా మారాయి. ఈ మెషీన్‌ మొత్తం నోట్లతో నిండి ఉంది. ఒక మనిషి ఆ మెషీన్‌ కి ఎదురుగ నిలబడడం… యంత్రంలో ఉన్న నిర్దేశిత స్లాట్‌ లో అతను కూల్‌ డ్రింక్‌ క్యాన్‌ను పెట్టడం ఇందులో కనిపిస్తోంది.
ఆ తరువాత మనకి సంబందించిన నెంబర్ ని టైపు చేసాక డబ్బులు అందులో నుండి రావడం జరుగుతుంది. ఈ వీడియో కి ఏకంగా నాలుగున్నర లక్షల వ్యూస్‌ వచ్చాయి. దీని వల్ల పర్యావరణానికి ఎంతో మేలు జరుగుతుంది అని నెటిజన్లు హర్షం వ్యక్తం చేస్తున్నారు. నిజంగా ఇది మంచి విషయం. దీని కారణంగా పర్యావరణం మెరుగు పడుతుంది కదా..!
