తెలంగాణ అలాగే ఆంధ్ర ప్రదేశ్ రాష్ట్రాల్లో.. దాదాపు ఆర్టీసీ బస్సులన్నీ ఒకే కలర్ లో ఉంటాయి. వైయస్ రాజశేఖర్రెడ్డి కాలంలో… గ్రామాల్లో నడిచే బస్సులకు పల్లెవెలుగు అని పేరు పెట్టారు. ఆ పేరుతోనే… ఇప్పటికీ ఆర్టీసీ బస్సులు నడుస్తున్నాయి. అయితే తాజాగా ఆంధ్రప్రదేశ్ ఆర్టిసి కీలక నిర్ణయం తీసుకుంది. ఏపీ లోని పల్లె వెలుగు బస్సు లో రంగు మార్చే యాలని నిర్ణయం తీసుకుంది ఏపీ ఆర్ టి సి.
ప్రధాన కార్యాలయం నుంచి ఇచ్చిన ఆదేశాల మేరకు… జిల్లాల్లోని అన్ని పల్లెవెలుగు బస్సులు రంగులు మార్పు చేసేందుకు అధికారులు చర్యలు తీసుకుంటున్నారు. ఇప్పటివరకు పల్లెవెలుగు బస్సులు ఆకుపచ్చ, పసుపు, తెలుపు, నలుపు రంగులతో ఉండగా ఇప్పుడు వీటిలో పసుపు రంగును తొలగించనున్నారు. మిగతా మూడు రంగుల తో పాటు కొత్తగా గచ్చకాయ రంగు వినియోగిస్తూ డిజైన్ కొంచెం మార్పు చేస్తున్నారు అధికారులు. మొదటగా రాజమహేంద్రవరంలోని ఆర్టీసీ బస్సుల రంగు మార్చేందుకు అధికారులు చర్యలు తీసుకుంటున్నారు.
