టాలీవుడ్ నటి కరాటే కళ్యాణి పరిచయం అక్కర్లేని పేరు. కిక్ సినిమాలో బాబీ అంటూ కళ్యాణి ప్రేక్షకులను నవ్వించింది. ఆ తరవాత పలు చిత్రాల్లో నటించి అలరించింది. ఇక ఆ తర్వాత బిగ్ బాస్ లోకి కూడా ఎంట్రీ ఇచ్చింది కానీ ఎక్కువ కాలం హౌస్ లో కొనసాగలేదు. ప్రస్తుతం కళ్యాణి రాజకీయాల్లోకూడా చురుకుగా ఉంటోంది. బీజేపీ లో ఉన్న కళ్యాణి పొలిటికల్ డిబేట్స్ లో కూడా కనిపిస్తూ ఉంటారు.
ఇదిలా ఉంటే తాజాగా కళ్యాణి తనకు ప్రాణ హాని ఉందంటూ బంజారాహిల్స్ పోలీసులను ఆశ్రయించింది. ఒక హత్య కేసులో సాక్ష్యాలు తారు మారు చేసి ఓ స్వచ్ఛంద సంస్థ సాక్ష్యాలను తారు మారు చేసిందని ఆరోపణలు చేసింది. దాన్ని బయట పెడుతున్న కారణంగా తనను కక్ష కట్టి చంపేయాలని చూస్తున్నారు అంటూ ఆరోపణలు చేసింది. ఈ మేరకు పోలీసులకు ఫిర్యాదు చేసింది.
