మీరు ఉద్యోగం కోసం చూస్తున్నారా..? అయితే మీకు శుభవార్త. ఆంధ్రప్రదేశ్ రాష్ట్ర పరిధిలోని జిల్లా కోర్టుల్లో పలు ఖాళీలు వున్నాయి. ఆసక్తి, అర్హత వున్నవాళ్లు ఈ పోస్టులకి అప్లై చేసుకోవచ్చు. ఇక మరి పూర్తి వివరాల లోకి వెళితే.. 158 ఫీల్డ్‌ అసిస్టెంట్‌ పోస్టులు ఖాళీగా వున్నాయి. ఇక వయస్సు విషయానికి వస్తే.. జులై 1, 2022వ తేదీ నాటికి 18 నుంచి 42 ఏళ్ల మధ్య ఉండాలి.
అర్హతను చూస్తే.. ఏదైనా గుర్తింపు పొందిన యూనివర్సిటీ నుండి కానీ ఏదైనా ఇన్‌స్టిట్యూట్‌ నుండి కానీ బ్యాచిలర్స్‌ డిగ్రీ లేదా తత్సమాన కోర్సు పూర్తి చేసి ఉండాలి. ఈ పోస్టులకు అప్లై చేసుకోవడానికి నవంబర్‌ 11, 2022 చివరి తేదీ. ఇక దరఖాస్తు ఫీజు విషయానికి వస్తే..
జనరల్ అభ్యర్ధులు రూ.800లు, ఎస్సీ/ఎస్టీ/వికలాంగ అభ్యర్ధులు రూ.400లు పే చెయ్యాల్సి వుంది. రాత పరీక్ష, స్కిల్‌ టెస్ట్‌ ఆధారంగా అభ్యర్థులను ఎంపిక చేస్తారు. ఇక జీతం విషయానికి వస్తే.. ఎంపికైన వాళ్లకు నెలకు రూ.25,220ల నుంచి రూ.80,910ల వరకు ఇస్తారు. ఖాళీల వివరాలను చూస్తే.. అనంతపురం- 11, చిత్తూరు- 19, తూర్పు గోదావరి- 21, గుంటూరు- 25, వైఎస్ఆర్ కడప -14, కృష్ణా- 15, కర్నూలు- 9, ఎస్‌పీఎస్‌ఆర్‌ నెల్లూరు- 5, ప్రకాశం- 11, శ్రీకాకుళం ఖాళీలు- 10, విశాఖపట్నం- 6, విజయనగరం- 5, పశ్చిమ గోదావరి- 7 ఖాళీలు వున్నాయి. పూర్తి వివరాలను https://hc.ap.nic.in/recruitment.html లో చూడచ్చు.
