సాధారణంగా జంతువులు మనం వాటిని ఏం చేస్తామోనని భయపడి వాటి స్వీయరక్షణకై అప్పుడప్పుడు మనపై దాడి చేస్తుంటాయి. అలాంటి ఓ ఘటనే కర్ణాటకలోని మైసూరులో జరిగింది. ఈ ఘటనకు సంబంధించిన వీడియోను అటవీశాఖ అధికారి సుసాంత నందా సోషల్‌ మీడియాలో షేర్‌ చేయగా ఇప్పుడది తెగ వైరల్ అవుతోంది. అసలేం జరిగిందంటే..?
జనావాసంలోకి వచ్చిన ఓ చిరుతపులిని చూసి ఓ భవనంపై ఉన్న జనం రాళ్లు రువ్వడంతో భయపడిపోయిన చిరుత రోడ్డు వైపునకు పరిగెత్తి అటుగా వస్తున్న ఓ బైకర్‌ను ఢీ కొట్టింది. దీంతో కింద పడిపోవడంతో ఆ వ్యక్తికి గాయాలయ్యాయి. ఓ రాయితో దాని వెనకే వెళ్లిన మరో వ్యక్తిపై చిరుత తిరబగడి గాయపర్చింది.
11 సెకన్లపాటు ఉన్న ఈ వీడియోను సుసాంత నందా ట్విటర్‌లో షేర్‌ చేస్తూ.. ‘ఇప్పటికే ఆందోళనలో ఉన్న చిరుతను స్థానికులు మరింత గందరగోళానికి గురిచేశారు. వారికి కనిపించడమే అది చేసిన తప్పు. దాన్ని చూసిన వారు క్రూరంగా మారడంతో ఆ అడవి జంతువు రక్షణ కోసం పోరాడింది. అటవీశాఖ అధికారులు దాన్ని కాపాడారు’ అంటూ ట్వీట్ చేశారు.
Disturbing visuals from Mysore.The crowd is only adding to the already stressed leopard.
Latest, it has been safely tranquilised by the forest Department officials.It’s only mistake was that it was seen. After which the people became wild & the real wild struggled for safety. pic.twitter.com/F4dXNsAYvT
— Susanta Nanda (@susantananda3) November 4, 2022
