తెలంగాణ నిరుద్యోగులకు శుభవార్త. తెలంగాణ రాష్ట్రంలో గ్రూప్-1 తర్వాత నిరుద్యోగులు ఎంతో ఉత్సుకతతో ఎదురుచూస్తున్న గ్రూప్-2 ఉద్యోగ నోటిఫికేషన్ ను టిఎస్పిఎస్సి గురువారం జారీ చేసింది. దీని కింద మొత్తం 18 ప్రభుత్వ విభాగాల పరిధిలోని 783 పోస్టులను భర్తీ చేయనుంది.
ఈ పోస్టులకు జనవరి 18 నుంచి ఫిబ్రవరి 16 సాయంత్రం 5 గంటల వరకు ఆన్లైన్ లో దరఖాస్తులు స్వీకరించనున్నట్లు వెల్లడించింది. గ్రూప్-2 లో అత్యధికంగా సాధారణ పరిపాలన విభాగంలో సహాయ సెక్షన్ అధికారుల పోస్టులు 165, మండల పంచాయతీ అధికారులవి 126, నాయబ్ తహసిల్దారులవి 98, ప్రొబేషనరీ ఎక్సైజ్ సబ్ ఇన్స్పెక్టర్ పోస్టులు 97 ఉన్నాయి.
