సినిమా ఇండస్ట్రీలోనే కాదు బుల్లితెర ఇండస్ట్రీలో కూడా చాలామంది వరుసవివాహాలు చేసుకుంటూ కొత్త జీవితంలోకి అడుగుపెడుతున్నారు. ఈ క్రమంలోనే జబర్దస్త్ కమెడియన్ గా గుర్తింపు తెచ్చుకున్న రాకింగ్ రాకేష్ ఆయన ప్రేయసి జోర్దార్ సుజాత తాజాగా నిశ్చితార్థం చేసుకొని కొత్త జీవితాన్ని ప్రారంభించడానికి తొలి అడుగు వేశారు. ఈ క్రమంలోనే ఈరోజు జోర్దార్ సుజాత , రాకింగ్ రాకేష్ నిశ్చితార్థం చాలా ఘనంగా జరిగింది. ఈ కార్యక్రమానికి పాత జబర్దస్త్ టీం కూడా హాజరయ్యి సందడి చేశారు.
జబర్దస్త్ లవ్ జోడిగా మంచి గుర్తింపు తెచ్చుకున్న ఈ జంట ఈనెల చివర్లో ఎంగేజ్మెంట్ చేసుకోబోతున్నామని స్పష్టం చేశారు. కానీ డేట్ పై క్లారిటీ ఇవ్వలేదు. ఇరువైపు పెద్దలు ఇప్పటికే మాట్లాడుకున్నారని నిశ్చితార్థం కూడా చేసుకునే రోజే లగ్న పత్రిక కూడా రాసుకోబోతున్నట్లు జోర్దార్ సుజాత తన యూట్యూబ్ ఛానల్ ద్వారా తెలిపింది. అయితే ఈరోజు ఎంగేజ్మెంట్ చేసుకొని లగ్నపత్రిక కూడా రాసుకున్నట్లు తెలుస్తోంది. రాకింగ్ రాకేష్ , జోర్దార్ సుజాత నిశ్చితార్థానికి జబర్దస్త్ మాజీ, తాజా టీమ్ మెంబర్లు కూడా హాజరయ్యారు.
అంతే కాదు గతంలో జబర్దస్త్ కి జడ్జిగా వ్యవహరించిన ఏపీ మంత్రి రోజా కూడా ఈ నిశ్చితార్ధానికి హాజరయ్యారు. అలాగే యాంకర్లు అనసూయ భరద్వాజ్, గెటప్ శ్రీను ,రవి తదితరులు హాజరయ్యారు. గత కొంతకాలంగా ఎక్స్ట్రా జబర్దస్త్ లో కలసి స్కిట్స్ చేస్తున్న జోర్దార్ సుజాత.. రాకింగ్ రాకేష్ దుబాయ్ కి వెళ్లి హాలిడే ట్రిప్ కూడా ఎంజాయ్ చేశారు.
అక్కడే సుజాత బర్తడే సెలబ్రేషన్స్ కూడా ఘనంగా నిర్వహించారు. అక్కడ తీసుకున్న ఫోటోలు వీడియోలు కూడా సుజాత సోషల్ మీడియాలో షేర్ చేసింది ప్రస్తుతం వీరిద్దరూ నిశ్చితార్థం చేసుకుని..కొత్త జీవితంలోకి పెట్టబోతున్నట్లు తెలుస్తోంది.
