డైరెక్టర్ క్రిష్ జాగర్లమూడి దర్శకత్వంలో పవర్ స్టార్ పవన్ కల్యాణ్‌ కథానాయకుడిగా నటిస్తున్న భారీ బడ్జెట్ సినిమా ‘హరి హర వీరమల్లు’. ఇందులో పవన్‌కల్యాణ్‌కి జోడీగా నిధి అగర్వాల్‌ నటిస్తోంది. మెగా సూర్య ప్రొడక్షన్స్‌ పతాకంపై ఎ.దయాకర్‌రావు నిర్మిస్తుండగా, ప్రముఖ నిర్మాత ఎ.ఎం.రత్నం సమర్పిస్తున్నారు. ఇవాళ ఏఎం రత్నం బర్త్ డే. ఈ సందర్భంగా ఆయనకు బర్త్ డే విషెస్ చెబుతూ హరిహర వీరమల్లు టీమ్ ఓ స్పెషల్ ఫొటోను షేర్ చేసింది.
ప్రస్తుతం ఈ ఫొటో సోషల్ మీడియాలో వైరల్ అవుతోంది. ఈ ఫొటోలో ఏఎం రత్నం పవన్ కల్యాణ్‌తో కలిసి కూర్చొని ముచ్చటిస్తున్నారు. ఇద్దరు సరదాగా ఏదో మాట్లాడుతూ నవ్వుతూ కనిపించారు. ఈ ఫొటోలో పవన్ లుక్ చూసి ఫ్యాన్స్ ఖుష్ అవుతున్నారు. ఈ సినిమాలో పవర్ స్టార్ స్టైలిష్‌గా కనిపించబోతున్నారని మాట్లాడుకుంటున్నారు.
ఎ.ఎం.రత్నం విషయానికొస్తే.. మేక‌ప్ మెన్గా కెరీర్ ప్రారంభించి.. ఆ త‌ర్వాత నిర్మాత‌గా మారారు. సూర్యామూవీస్ బ్యానర్పై ఆయన నిర్మించిన చిత్రాలు, అనువదించిన సినిమాలు టాలీవుడ్ ప్రేక్షకుల్ని బాగా ఆకట్టుకున్నాయి.
