డింపుల్ హయాతి.. మెగా ప్రిన్స్ వరుణ్ తేజ్ ప్రధాన పాత్రలో నటించిన గద్దల కొండ గణేష్ చిత్రంలో ఐటమ్ సాంగ్ లో కుర్ర కారును ఉర్రూతలూగించిన ముద్దుగుమ్మ డింపుల్ హయాతి గురించి ప్రత్యేకంగా పరిచయం చేయాల్సిన అవసరం లేదు. తన అంద చందాలతో పాటు అదిరిపోయే డాన్స్ చేస్తూ అందరినీ ఆకట్టుకున్న ఈ ముద్దుగుమ్మకు మంచి గుర్తింపు అయితే రాలేదని చెప్పాలి. ప్రస్తుతం తెలుగులో అయితే మంచి ఆఫర్స్ వస్తున్నాయి.
త్వరలో గోపీచంద్ హీరోగా నటించిన రామబాణం సినిమాతో పలకరించనుంది. ఈ సినిమాపై ఈమె బాగా ఆశలు పెట్టుకుందని చెప్పవచ్చు. ఇకపోతే గద్దల కొండ గణేష్ చిత్రం కంటే ముందే గల్భ్ చిత్రంలో నటించింది ఈ ముద్దుగుమ్మ. నిజజీవితంలో జరిగిన సంఘటనలు ఆధారంగా వచ్చిన ఈ సినిమాను సునీల్ కుమార్ రెడ్డి దర్శకత్వం వహించారు. అయినా ప్రేక్షకులను ఆకట్టుకోలేదు. ఆ తర్వాత ఏ ఎల్ విజయ్ దర్శకత్వంలో వచ్చిన అభినేత్రి సినిమాలో కూడా కీలకపాత్ర పోషించింది. ఇందులో తమన్నా కూడా నటించింది అయినా కూడా వర్కౌట్ కాలేదు.
ఇక ఇప్పుడు కెమెరా కళ్ళలో పడాలి అంటే సినిమా ప్రమోషన్స్ కి మించిన ఆప్షన్ మరొకటి లేదు. అందుకే బయటకు వచ్చారంటే చాలు తమ టాలెంట్ మొత్తం చూపిస్తూ ఉంటారు కొంతమంది హీరోయిన్స్. అయితే ఇప్పుడు డింపుల్ హయాతి కూడా ఇదే చేస్తోంది . ఈ అమ్మడి సోకుల రచ్చకు సోషల్ మీడియా షేక్ అవుతుంది. ఖిలాడీ సినిమా ప్రమోషన్స్ లో భాగంగా భారీగా రెచ్చిపోయిన ఈ ముద్దుగుమ్మ.. ఇప్పుడు రామబాణం సినిమాతో మరొకసారి అందరినీ ఆకట్టుకునే ప్రయత్నం చేస్తుంది. ఇటీవల పలు బుల్లితెర షో లలో పాల్గొని రామబాణం సినిమా ప్రమోషన్స్ లో పాల్గొన్న ఈమె ఈ సారి అయినా ఈ సినిమాతో గట్టెక్కుతుందా అన్న అనుమానాలు వ్యక్తమవుతున్నాయి. మరి ఈ సినిమా సక్సెస్ అయితే ఇక ఈమె కెరియర్ బాగుపడ్డట్టే అని చెప్పవచ్చు.
