తెలంగాణ ఉద్యమకారులపై విజయశాంతి సంచలన ట్వీట్ చేసింది. గతంలోని తెలంగాణ ఉద్యమంలో బీజేపీ ఎక్కడుందని కొందరు ఈ రోజు అంటున్నరు. ఆ ఉద్యమంలో ముందుండి కొట్లాడిన మావంటి ఉద్యమకారులం నేడు బీజేపీ వైపు ఉన్నామంటే… భవిష్యత్ తెలంగాణ బాగు కోసం అన్న నమ్మకంతో మాత్రమే కదా… అని తెలిపారు.
తెలంగాణ కోసం జీవితం అంతా పోరాటంతో గడిపిన మాకు, మాతోటి ఉద్యమకారులకు రాష్ట్ర ప్రజల ప్రయోజనాలకన్నా ఊపిరి ఉన్నంతవరకూ ఎప్పటికీ వేరే ప్రాతిపదికత ఉండదు. జన జీవితంలో ప్రజా ఉద్వేగాలు ఎప్పటికీ జీవన సూత్రాలే… కాలం ఎప్పటి నుండో చెబుతున్న వాస్తవానికి పాలకులు ఎన్నడూ అతీతులు కారని వెల్లడించారు విజయశాంతి. తెలంగాణలో బిజెపి పార్టీ అంతాలంచలుగా ఎదుగుతూ ఉందని తెలిపారు.
