అయోధ్య రాముడి ప్రాణప్రతిష్ట వేడుకకు బీజేపీ సీనియర్ నేత LK. అద్వానీ హాజరు కాకపోవచ్చు అని తెలుస్తోంది. అయోధ్యలో చలి తీవ్రత ఎక్కువగా ఉండటంతో ఆయన రావట్లేదని బీజేపీ వర్గాలు వెల్లడించాయి. కాగా, రామ జన్మభూమి అయిన అయోధ్యలో రాముడి మందిరం నిర్మించడం కోసం అద్వానీ ముందుండి పోరాడారు.
ఇది ఇలా ఉండగా అయోధ్య రామమందిరం ప్రాణప్రతిష్ఠ కార్యక్రమం మరికొద్ది క్షణాల్లో ప్రారంభం కానుంది. ఈ నేపథ్యంలో ఈ వేడుకకు హాజరయ్యేందుకు దేశవ్యాప్తంగా అనేక మంది ప్రముఖులు అయోధ్యకు చేరుకుంటున్నారు. ఇప్పటికే పలువురు రాజకీయ నేతలు, పారిశ్రామికవేత్తలు, సినీతారలు, క్రీడాకారులు, సాధువులు ఒక్కొక్కొరుగా రామజన్మ స్థలానికి చేరుకున్నారు. మరోవైపు చిత్రపరిశ్రమ నుంచి కొంతమంది నటులు, దర్శకులు సహా అయోధ్యకు వచ్చారు. ప్రధాని నరేంద్ర మోదీ ఉదయం 11 గంటలకు అయోధ్యకు రానున్నారు.
