టాలెంటెడ్ డైరెక్టర్ ప్రశాంత్ వర్మ దర్శకత్వంలో టాలీవుడ్ యంగ్ హీరో తేజ సజ్జ ప్రధాన పాత్రలో వచ్చిన చిత్రం హనుమాన్ . అయితే ఈ సినిమాకు పార్ట్ 2 ఉంటుందని డైరెక్టర్ ప్రశాంత్ వర్మ ప్రకటించిన సంగతి తెలిసిందే. హనుమాన్ సినిమాకు సీక్వెల్గా రాబోతున్న ‘జై హనుమాన్’ లో కన్నడ హీరో యశ్ నటిస్తున్నట్లు ప్రచారం జరుగుతోంది. దీనిపై అతని మూవీ టీమ్ స్పందించింది. ఈ వార్తల్లో ఎలాంటి నిజం లేదని స్పష్టం చేసింది. ప్రస్తుతం ఆయన ‘టాక్సిక్-ఏ ఫెయిరీ టెయిల్ ఫర్ గ్రోన్ అప్స్’ సినిమా పనుల్లో బిజీగా ఉన్నారని పేర్కొంది.
సంక్రాంతి కానుకగా భారీ అంచనాల మధ్య జనవరి 12న ప్రేక్షకుల ముందుకు వచ్చిన ఈ సినిమా ఆడియన్స్ నుండి బ్లాక్ బస్టర్ టాక్ ను సొంతం చేసుకుంది. కేవలం రూ.75 కోట్ల బడ్జెట్ తో తెరకెక్కించిన ఈ చిత్రం రికార్డ్స్ క్రియేట్ చేసింది.ప్రశాంత్ వర్మ సినిమాటిక్ యూనివర్స్ నుంచి వచ్చిన మొదటి చిత్రం అయినా ఈ ఫాంటసీ అడ్వెంచర్ 300 కోట్ల గ్రాస్ మార్క్ ని అందుకుంది.
