Cm Jagan: రేపు రాప్తాడులో వైసీపీ ‘సిద్ధం’ సభ జరుగనుంది. రేపు అనంతపురం జిల్లా రాప్తాడులో జరిగే వైసీపీ ఎన్నికల శంఖారావ సభ ‘సిద్ధం’ లో సీఎం జగన్ పాల్గొననున్నారు. ఇందుకోసం మధ్యాహ్నం 1:30 గంటలకు తాడేపల్లి నివాసం నుంచి బయలుదేరి సీఎం రాప్తాడు చేరుకుంటారు. సభలో ప్రసంగించిన అనంతరం తిరిగి జగన్ తాడేపల్లి చేరుకుంటారు. ఇప్పటికే జరిగిన రెండు సిద్ధం సభలు వైసీపీ శ్రేణుల్లో జోష్ నింపాయి.
కాగా వైసీపీ రెబెల్ ఎమ్మెల్యేల అనర్హత పిటిషన్లపై ఈ నెల 19వ తేదీన తుది విచారణ జరుగనుంది. ఈ మేరకు వైసీపీ రెబెల్స్ ఆనం, కోటంరెడ్డి, మేకపాటి, ఉండవల్లిలకు స్పీకర్ నోటీసులు జారీ అయ్యాయి. ఈ నెల 19వ తేదీన మధ్యాహ్నాం జరిగే తుది విచారణకు హాజరు కావాలని నోటీసులు జారీ చేశారు.
