గతేడాది నవంబరులో థియేటర్లలో రిలీజై, ప్రేక్షకులను థ్రిల్‌ చేసిన పొలిమేర-2 సినిమా ప్రతిష్ఠాత్మక ‘దాదా సాహెబ్‌ ఫాల్కే ఫిల్మ్‌ ఫెస్టివల్‌’ అవార్డు సొంతం చేసుకుంది. మరోవైపు, శ్రీసింహా హీరోగా తెరకెక్కిన ‘ఉస్తాద్’ చిత్రానికి ఆ ఫెస్టివల్‌లో ‘ఆనరరీ జ్యూరీ మెన్షన్‌’ విభాగంలో ఆ అవార్డు దక్కింది. మరోవైపు ‘మంత్‌ ఆఫ్‌ మధు’ చిత్రానిగానూ నవీన్ చంద్ర ఉత్తమ నటుడి అవార్డు అందుకున్నారు. నవీన్ చంద్ర, స్వాతి ప్రధాన పాత్రల్లో శ్రీకాంత్‌ నాగోతి తెరకెక్కించిన ఈ సినిమా 2023 అక్టోబరులో థియేటర్లలో విడుదలైంది. ఓటీటీ ‘ఆహా’లో స్ట్రీమింగ్‌ అవుతోంది.
తమ సినిమాకు పురస్కారం రావడం పట్ల ఉస్తాద్ చిత్రబృందం సోషల్‌ మీడియా వేదికగా ఈ విషయాన్ని పంచుకుంటూ చిత్ర బృందం ఆనందం వ్యక్తం చేసింది. ‘‘ప్రేమతో మేం తెరకెక్కించిన ఈ సినిమాకి అవార్డు వచ్చింది. దీనికి కారణమైన ప్రతిఒక్కరికీ కృతజ్ఞతలు’’ అని పేర్కొంది. భారతీయ సినిమా పితామహుడు దాదా సాహెబ్‌ ఫాల్కే జయంతి సందర్భంగా దిల్లీలో 14వ ఫిల్మ్‌ ఫెస్టివల్‌ను మంగళవారం నిర్వహించారు.
