టాలీవుడ్ అగ్ర దర్శకుల్లో ఒకరైనటువంటి కొరటాల దర్శకత్వం వహించిన పాన్ ఇండియన్ యాక్షన్ డ్రామా సెప్టెంబర్ 27న ప్రపంచ వ్యాప్తంగా థియేటర్లలోకి రానుంది. ఈ మూవీలో జాన్వీ కపూర్, సైఫ్ అలీఖాన్, ప్రకాశ్ రాజ్, షైన్ టామ్ చాకో, శ్రీకాంత్, మురళీ శర్మ కీలక పాత్రల్లో నటిస్తున్నారు. ఈ చిత్రానికి అనిరుధ్ రవిచందర్ సంగీతం సమకూర్చుతున్నారు. ఎన్టీఆర్ ఆర్ట్స్ అండ్ యువ సుధ ఆర్ట్స్ సంయుక్తంగా నిర్మించాయి.
సెప్టెంబర్ 10న ముంబయిలో దేవ చిత్రం యొక్క ట్రైలర్ విడుదల చేయనున్నట్టు ఇప్పటికే చిత్ర యూనిట్ ప్రకటించిన విషయం తెలిసిందే. అయితే తాజాగా ఈ చిత్రం నుంచి ఓ కీలక అప్డేట్ ఇచ్చారు మేకర్స్. రేపు సాయంత్రం 5.04 గంటలకు ట్రైలర్ విడుదల చేయనున్నట్టు పోస్టర్ రిలీజ్ చేశారు. ఎన్టీఆర్ 9 సెంటిమెంట్ దీనికి కూడా వర్తించినట్టు తెలుస్తోంది. ప్రస్తుతం ఎన్టీఆర్ దేవర ప్రమోషన్లలో ముంబయిలో చాలా బిజీగానే ఉన్నారు. రేపు సాయంత్రం విడుదలయ్యే దేవర ట్రైలర్ ఎలా ఉంటుందో వేచి చూడాలి మరీ.
