అమెరికా అధ్యక్ష ఎన్నికల్లో భాగంగా రిపబ్లికన్ పార్టీ తరఫున అధ్యక్ష అభ్యర్థిగా బరిలో దిగిన డొనాల్డ్ ట్రంప్ తన దైన రీతిలో ప్రచారంలో ముందుకు దూసుకెళ్తున్నారు. అయితే, ఇటీవల జరిగిన ఎన్నికల ప్రచారంలో జో బైడెన్ డెమెక్రటిక్ ప్రెసిడెంట్ అభ్యర్థి కమలాహారిస్‌కు మద్దతుగా ప్రచారం నిర్వహించారు. ఈ క్రమంలోనే డొనాల్డ్ ట్రంప్ మద్దతు దారులు, రిపబ్లికన్ పార్టీ క్యాండిడేట్స్‌ను ప్రెసిడెంట్ బైడెన్ చెత్తతో పోల్చాడు.
ఎన్నికల ప్రచారంలో భాగంగా జో బైడెన్ ట్రంప్ మద్దతుదారులను చెత్తతో పోల్చడం తీవ్ర దుమారం రేపింది. ఈ వ్యాఖ్యలపై మాజీ అధ్యక్షుడు డొనాల్డ్ ట్రంప్ వినూత్నంగా స్పందించారు.‘మేక్‌ అమెరికా గ్రేట్‌ అగైన్‌’ అని రాసి ఉన్న చెత్త లారీని డొనాల్ట్‌ ట్రంప్ నడిపారు. లారీని నడుపుతూ విస్కాన్సిన్‌ విమానాశ్రయంలో ప్రత్యక్షమయ్యారు. ఈ వీడియో ప్రస్తుతం నెట్టింట వైరల్ అవుతోంది. కాగా, పోలింగ్ నవంబర్ 5వ తేదీన జరగనుండగా.. రీసెంట్ వచ్చిన సర్వే ప్రకారం ట్రంప్ కమలా కంటే ముందంజలో ఉన్నట్లు సమాచారం.
