గ్లోబల్ స్టార్ రామ్ చరణ్-స్టార్ డైరెక్టర్ శంకర్ కాంబినేషన్ లో తెరకెక్కుతున్న మూవీ గేమ్ ఛేంజర్. ఈ సినిమా అప్ డేట్ కోసం అభిమానులు ఎంతో ఆసక్తిగా ఎదురు చూస్తున్నారు. ఇటీవలే ఈ చిత్ర యూనిట్ యాక్టివ్ అయి వరుస అప్డేట్స్ ఇస్తున్నారు. ఈ మూవీకి సంబంధించి ఇప్పటికే రెండు పాటలు విడుదలయ్యాయి. అవి వైరల్ అవుతున్నాయి. సంక్రాంతి పండుగ సందర్భంగా జనవరి 10, 2025న విడుదలవుతుందని ఇటీవలే నిర్మాత దిల్ రాజు ప్రకటించేశారు.
తాజాగా ఇవాళ గేమ్ ఛేంజర్ మూవీ నుంచి టీజర్ రిలీజ్ అవుతుందని మేకర్స్ అనౌన్స్ చేశారు. కానీ విడుదలవ్వడం లేదని.. త్వరలోనే విడుదలవుతుందని ట్వీట్ చేశారు. తాజాగా గేమ్ ఛేంజర్ సినిమా టీజర్ నవంబర్ 09న రిలీజ్ చేస్తామని కొత్త పోస్టర్ విడుదల చేశారు. ఈ పోస్టర్ లో రామ్ చరణ్ లుంగీ కట్టి మాస్ లుక్ లో అదరగొట్టాడు. ఈ పోస్టర్ వైరల్ గా మారగా.. టీజర్ కోసం ఫ్యాన్స్ ఆసక్తిగా ఎదురుచూస్తున్నారు. మరోవైపు గేమ్ ఛేంజర్ కాదు.. డేజ్ ఛేంజర్ అంటూ సెటైర్లు కూడా వేస్తున్నారు నెటిజన్లు. తాజాగా రిలీజ్ చేసిన పోస్టర్ లో పట్టాలపై విలన్ మనుషులను రామ్ చరణ్ కొడితే పడినట్టు కనిపిస్తోంది. చరణ్ మాస్ లుక్ లో లుంగీ కట్టుకొని వాళ్ల పక్కనే కూర్చున్నాడు.
