తిరుపతి జిల్లాలో దారుణం చోటు చేసుకుంది.3 ఏళ్ల చిన్నారిపై లైంగిక దాడి చేసి..ఆ తర్వాత హత్య చేశాడు ఓ దుర్మార్గుడు. ఈ సంఘటన తాజాగా వెలుగులోకి వచ్చింది. ఈ సంఘటన వివరాలు ఇలా ఉన్నాయి. తిరుపతి జిల్లా వడమాల పేట మండలం ఏఎం పురం గ్రామ ఎస్టీ కాలనీకి చెందిన మూడున్నర సంవత్సరాలు ఉన్న చిన్నారికి చాక్లెట్లు కొని ఇస్తానని ఓ యువకుడు మాయ మాటలు చెప్పారు.
ఈ తరుణంలోనే… గ్రామంలోని స్కూల్ వెనుక వైపు ఉన్న పొలంలోకి తీసుకువెళ్లి అత్యాచారం చేసి అనంతరం చిన్నారిని చంపి పూడ్చి పెట్టాడు యువకుడు. అయితే.. ఈ సంఘటన నేపథ్యంలో పోలీసులకు ఫిర్యాదు చేశారు చిన్నారి తల్లిదండ్రులు. తల్లిదండ్రుల ఫిర్యాదుతో సుశాంత్ యువకుడ్ని అదుపులోకి తీసుకున్న పోలీసులు… విచారణ చేస్తున్నారు. చిన్నారి మృత దేహాన్ని వెలికి తీసి పుత్తూరు ప్రభుత్వ ఆసుపత్రికి తరలించారు పోలీసులు. ఇక ఈ సంఘటనపై రోజా మాట్లాడుతూ..ఇంతటి ఘాతకానికి పాల్పడిన నిందితుడికి ఉరిశిక్ష వేయాలి డిమాండ్‌ చేశారు.
