అంబులెన్స్‌లో మంటలు ఒక్కసారిగా చెలరేగాయి. అయితే… తృటిలో ఓ గర్భిణీ, ఆమె కుటుంబం తప్పించుకుంది. ఈ సంఘటన మహారాష్ట్ర లో జరిగింది. ఈ సంఘటన వివరాలు ఇలా ఉన్నాయి. మహారాష్ట్ర జల్గావ్ జిల్లాలోని దాదావాడి సమీపంలోని జాతీయ రహదారిపై ఈ ఘటన చోటు చేసుకుంది.
అంబులెన్స్‌లో గర్భిణీని తన కుటుంబం జల్గావ్ జిల్లా ఆసుపత్రికి తీసుకువెళుతున్న క్రమంలో ఈ ప్రమాదం జరిగింది. అంబులెన్స్‌లో ఉన్న ఆక్సిజన్‌ సిలిండర్ పేలడంతో..అంబులెన్స్‌లో మంటలు ఒక్కసారిగా చెలరేగాయి. ఈ పేలుడు ధాటికి సమీపంలోని ఇళ్ల అద్దాలు కూడా పగిలిపోయినట్లు సమాచారం. ఈ ఘటనలో ఎవరూ గాయపడలేదని అంటున్నారు. ఈ సంఘటన పై ఇంకా వివరాలు తెలియాల్సి ఉంది.
