ఐకాన్ స్టార్ హీరో అల్లుఅర్జున్ తాజా మూవీ పుష్ప-2. ఈ చిత్రం కోసం దేశవ్యాప్తంగా ప్రేక్షకులు ఎంతో ఆసక్తిగా ఎదురుచూస్తున్నారు. ఈ సినిమాను దర్శకుడు సుకుమార్ తెరకెక్కిస్తున్నాడు. ఇప్పటికే పుష్ప సినిమా సూపర్ హిట్ అయిన విషయం తెలిసిందే. పుష్ప 2 తో రికార్డులన్ని బ్రేక్ అవ్వడం ఖాయమని అభిమానులు కాన్ఫిడెంట్ గా చెబుతున్నారు. ఈ చిత్రం నుంచి మోస్ట్ అవైటేడ్ ట్రైలర్ ను నవంబర్ 17న సాయంత్రం 6.03 గంటలకు రిలీజ్ చేస్తున్నట్టు మూవీ మేకర్స్ వెల్లడించారు.
ఇక ఈ ట్రైలర్‌తో ఊచకోత ఖాయమని మేకర్స్ కాన్ఫిడెంట్‌గా చెబుతున్నారు. ఈ ట్రైలర్ అన్నిరికార్డులను వేటాడటం చూస్తారని వారు చెబుతున్నారు. ఈ విషయాన్ని ఇప్పుడు సరికొత్త పోస్టర్‌తో వెల్లడించారు. పుష్ప రాజ్ రెండు గొడ్డలను పట్టుకుని విధ్వంసాన్ని సృష్టిస్తున్నట్లుగా ఈ పోస్టర్‌ను డిజైన్ చేశారు. ఈ చిత్ర ట్రైలర్‌ను పాట్నా నగరంలో గ్రాండ్ ఈవెంట్‌లో లాంచ్ చేసేందుకు చిత్ర యూనిట్ భారీ ఏర్పాట్లు చేస్తోంది. ఈ సినిమాలో అందాల భామ రష్మిక మందన్న హీరోయిన్‌గా నటిస్తోండగా.. ఫహద్ ఫాజిల్, సునీల్, అనసూయ భరద్వాజ్ తదితరులు ఇతర ముఖ్య పాత్రల్లో నటిస్తున్నారు. దేవిశ్రీ ప్రసాద్ సంగీతం అందిస్తున్న ఈ సినిమాను మైత్రీ మూవీ మేకర్స్ ప్రొడ్యూస్ చేస్తున్నారు. డిసెంబర్ 5న ప్రపంచవ్యాప్తంగా ‘పుష్ప-2’ మూవీ భారీస్థాయిలో రిలీజ్‌కు రెడీ అవుతోంది.
