కడపలో వివాహితను రేప్‌ చేసి, చంపారు కొందరు దుండగులు. అయితే.. ఈ మహిళ దారుణ హత్య కేసులో పోలీసులు ముమ్మర గాలింపు చర్యలు చేపట్టారు. కాశీనాయన మండలం పాపిరెడ్డి పల్లె వద్ద నిన్న ఓ వివాహితను అత్యంత దారుణంగా హత్య చేశారు గుర్తు తెలియని దుండగులు. రాజుపాలెం మండలం కొర్రపాడు గ్రామంలో గత కొద్ది రోజులుగా తల్లిదండ్రుల వద్ద నివాసం ఉంటున్నారు మృతురాలు.
హత్య చేసినట్లు పోలీసులు అనుమానిస్తున్న వ్యక్తితో సన్నిహితంగా ఉంటూ వచ్చిందన్నారు స్థానికులు. మృతురాలికి పరిచయం ఉన్న వ్యక్తి పరారీలో ఉన్నాడట…పోరుమామిళ్ల మండలానికి చెందిన ఓ వ్యక్తి ఈ హత్యలో కీలక వ్యక్తిగా ఉన్నట్లు అనుమానిస్తున్నాడు పోలీసులు. అతని కోసం పోలీసులు గాలింపు చేస్తున్నారు. అతని స్నేహితులు కూడా ఇందులో ఉన్నారట. ఇక మహిళ మృతదేహానికి నేడు బద్వేల్ ప్రభుత్వ ఆసుపత్రిలో పోస్ట్ మార్టం నిర్వహించనున్నారు. ఈ సంఘటన పై ఇంకా వివరాలు తెలియాల్సి ఉంది.