రాహుల్ గాంధీకి ఎడమ కన్ను కేసీఅర్, కుడి కన్ను రేవంత్ రెడ్డి అంటూ బీజేపీ మాజీ ఎమ్మెల్యే,రాష్ర్ట ఉపాధ్యక్షులు ఎన్వీఎస్ఎస్ ప్రభాకర్ సంచలన వ్యాఖ్యలు చేశారు. ఏడాది కాలంలో కాంగ్రెస్ పార్టీ పాలించిన తీరు, తీసుకున్న నిర్ణయాలు పరిశీలిస్తే బీఆర్ఎస్ అడుగుజాడల్లోనే వెళ్తున్నట్లు కనిపిస్తుందని… బీఆర్ఎస్ సకల జనుల సర్వే అంటే కాంగ్రెస్ సమగ్ర కుల గణన అంటుందని వెల్లడించారు. కాంగ్రెస్ నాయకులు ఫోన్ ట్యాపింగ్ కేసులో దోషులను జైలుకు పంపుతామన్నారు… ఓటుకు నోటు కేసులో దొంగలను జైలుకు పంపుతామని కేసీఆర్ అన్నారన్నారు.
డ్రగ్స్ కేసులో కేసీఆర్, రేవంత్ రెడ్డి అంతే అంటూ చురకలు అంటించారు. అప్పులు తేవడంలో కేసీఆర్ పంథాలోనే రేవంత్ రెడ్డి పయనిస్తున్నారు… కేసీఆర్ మూసీ ప్రణాళికనే.. రేవంత్ రెడ్డి ఎత్తుకున్నారని ఆగ్రహించారు. విదేశీ పెట్టు బడులకోసమే ఇతర దేశాల్లో పర్యటిస్తున్నారు… బీఆర్ఎస్ తరహాలోనే కాంగ్రెస్ పార్టీ ఫిరాయింపులకు పాల్పడుతోందని నిప్పులు చెరిగారు. బీఆర్ఎస్, కాంగ్రెస్ నాటకాలను బట్ట బయలు చేస్తామని… అక్రమ నిర్మాణం పేరుతో అయ్యప్ప సొసైటి కట్టడాలను కేసీఅర్ వేగవంతంగా కూల్చారన్నారు. ఆ తరువాత అన్ని సక్రమం అయిపోయాయని వివరించారు.
