Tirumala: స్థానికులకు టీటీడీ శుభవార్త చెప్పింది. ఇవాళ స్థానికులకు తిరుమల శ్రీవారి దర్శనాలు కల్పించనున్నారు.. ఇవాళ స్థానికులకు శ్రీవారి దర్శనాలు ఉన్న నేపథ్యంలో.. నిన్న టోకెన్లు జారీ చేసింది టీటీడీ. దీంతో ఇవాళ స్థానికులు అందరూ తిరుమల దర్శనాలకు వస్తున్నారు. తిరుపతి, చంద్రగిరి ప్రాంతాల వారికి అవకాశం కల్పించారు.
కాగా, తిరుమలలో 03 కంపార్టుమెంట్లలో వేచివున్నారు శ్రీవారి భక్తులు. ఇక టోకేన్ లేని భక్తులకు సర్వదర్శనానికి 12 గంటల సమయం పడుతోంది. అటు నిన్న 58607 మంది భక్తులు..తిరుమల శ్రీవారిని దర్శించుకున్నారు. 19841 మంది భక్తులు తలనీలాలు సమర్పించారు. ఇక నిన్న ఒక్క రోజే తిరుమల శ్రీవారి హుండీ ఆదాయం 3.61 కోట్లుగా నమోదు అయింది. ఇక అటు తిరుపతిలో వైభవంగా పద్మావతి అమ్మవారి బ్రహ్మోత్సవాలు జరుగుతున్నాయి. ఆరవ రోజు ఉదయం సర్వభూపాల వాహనంపై తిరుమాఢ వీధుల్లో విహరిస్తున్నారు పద్మావతి దేవి. నవంబర్ నెలలో తిరుమల శ్రీవారిని 20.35 లక్షల మంది భక్తులు దర్శించుకున్నారు. తిరుమల శ్రీవారికి హుండీ ద్వారా 111.28 కోట్లు కానుకలుగా సమర్పించారు భక్తులు.
