ప్రముఖ బ్యాడ్మింటన్ క్రీడాకారిణి పీవీ సింధు వివాహం ఘనంగా జరిగింది. ఆదివారం ఉదయ్ పూర్ లో రాత్రి 11.20లకు వీరి వివాహం జరిగింది. పోసిడెక్స్ టెక్నాలజీస్ ఎగ్జిక్యూటివ్ డైరెక్టర్ వెంకట దత్త సాయితో పీవీ సింధు ఏడడుగులు నడిచారు. ఈ వేడుకకు దాదాపు 140 మంది అతిథులు హాజరైనట్లు సమాచారం. వీరి వివాహ ఫొటోలను ఇరు ఫ్యామిలీలు ఇంకా రిలీజ్ చేయలేదు. రేపు హైదరాబాద్ లో గ్రాండ్ గా రిసెప్షన్ జరగనుంది. ఈ రిసెప్షన్ కు సినీ, రాజకీయ, క్రీడా ప్రముఖులు హాజరుకానున్నారు.
రాజస్థాన్ ఉదయ్ పూర్ లోని ఉదయ్ సాగర్ సరస్సులో 21 ఎకరాల్లో విస్తరించి ఉన్న ఒక దీవిలో పీసీ సింధు-వెంకట దత్తసాయి పెళ్లి జరిగింది. ఆరావళి పర్వతాల మధ్యలోని ఈ దీవిలోని వంద గదులతో రఫల్స్ సంస్థ ఈ భారీ రిసార్ట్ ను నిర్మించింది. అతిథులను పడవల్లో వివాహ వేదిక వద్దకు తీసుకెళ్లారు. వారి కోసం 100 గదులను సింధు ఫ్యామిలీ బుక్ చేసినట్టు సమాచారం. ఈ రిసార్ట్ లో ఒక గదికి ఒక రోజు అద్దె రూ.1లక్ష వరకు ఉంటుందని సమాచారం.
