చాణిక్యుడు జీవితంలో ఎన్నో విషయాల గురించి చాణక్య నీతిలో వివరించడం జరిగింది. ముఖ్యంగా ఆ సూత్రాలను పాటించడం వలన చాలా ఉపయోగాలను పొందవచ్చు. అయితే చాణక్య నీతిలో ధనవంతులు అవ్వడం కోసం కూడా కొన్ని సూత్రాలను చెప్పడం జరిగింది. వాటిని పాటించడం వలన ఎంతో అదృష్టం వస్తుంది మరియు ధనవంతులు కావడం సాధ్యమవుతుంది. ప్రతి ఒక్కరికి డబ్బు సంపాదించాలని అనే కోరిక ఉంటుంది. కాకపోతే ఎన్నో కారణాల వలన సాధించలేక పోతారు. ముఖ్యంగా అదృష్టం కలిసి రాకపోవడంతో డబ్బుని సంపాదించలేరు. కనుక ఈ చిట్కాలను పాటించి తప్పకుండా డబ్బును పొందండి.
డబ్బులు సంపాదించడంతో పాటుగా పొదుపు చేయడం కూడా ఎంతో అవసరం. ఎప్పుడైతే డబ్బుని అవసరం అయిన వాటికి మాత్రమే ఖర్చు చేస్తారో అప్పుడు ఎక్కువ పొదుపు కూడా చేస్తారు. దీంతో పెట్టుబడులు పెరుగుతాయి మరియు ధనవంతులుగా నిలుస్తారు. ఎప్పుడైనా డబ్బులు సంపాదించాలని అనుకుంటే తప్పకుండా అది నిజాయితీ మార్గం అయి ఉండాలి. ఎందుకంటే తప్పుడు మార్గాల్లో డబ్బుని సంపాదించడం వలన అది ఎక్కువ కాలం మీతో ఉండదని గుర్తుంచుకోండి. కనుక నిజాయితీగా డబ్బులు సంపాదించి ఆనందంగా జీవించండి.
మీ సంపాదన మరియు ఖర్చులకు సంబంధించి ఒక ప్రణాళిక ఉండాలి. సరైన ప్రణాళికతో డబ్బుని సంపాదించి మరియు పొదుపును కూడా చేయాలి. ఎప్పుడైతే ఒక లక్ష్యాన్ని ఏర్పరచుకుంటారో ఆ లక్ష్యాన్ని చేరడానికి తప్పకుండా ప్రణాళికను పాటిస్తారు. దీంతో విజయం మీ సొంతం అవుతుంది. కొంతమంది ఎంతో కష్టపడినా సరే ఎటువంటి మార్పుని పొందలేరు. కనుక జీవితంలో ఎదుగుదల ఉండాలి అంటే ఉపాధికు సంబంధించిన అవకాశాలు ఉన్న ప్రదేశంలో మాత్రమే ఇంటిని నిర్మించుకోవాలి, లేకపోతే అటువంటి ప్రదేశాలను వదిలేయాలి. ఇలా చేయకపోవడంతో ఎప్పుడు ఆర్థిక సమస్యలను ఎదుర్కొంటారు. కనుక అభివృద్ధి లేని ప్రదేశాలలో అసలు నివసించవద్దు.
