ప్రతి ఒక్కరూ తమ జీవితంలో ఐశ్వర్యం, సుఖ సంతోషాలు ఉండాలని కోరుకుంటారు. హిందూ ధర్మం ప్రకారం సంపదకు అధిపతిగా, నిధుల రక్షకుడిగా పూజలందుకునే దేవుడు కుబేరుడు. ఈయన అనుగ్రహం ఉంటే జీవితంలో డబ్బుకు లోటుండదు అనేది భక్తుల నమ్మకం. మరి అంతటి మహిమ గల కుబేరుడు ఎవరు? ఆయనకు కొన్ని రాశులు అంటే ఎందుకు అంత ఇష్టం? మీ రాశి కూడా ఆ అదృష్ట జాబితాలో ఏ రాసులు ఉన్నాయో తెలుసుకుందాం.
కుబేరుడు (Kubera) హిందూ పురాణాలలో ధనానికి, సంపదకు మరియు యక్షులకు అధిపతిగా ప్రసిద్ధి చెందారు. ఆయన లక్ష్మీదేవికి ఆరాధకుడిగా మరియు నిధుల పర్యవేక్షకుడిగా ఉంటారు.
అసలు కుబేరుడు ఉత్తర దిక్కుకు లోకపాలకుడిగా వ్యవహరిస్తారు. ఆయనను “ధనాధిపతి” లేదా “నిధిపతి” అని కూడా పిలుస్తారు. భూమిలో దాగి ఉన్న మరియు లక్ష్మీదేవి అనుగ్రహం ద్వారా లభించే సమస్త సంపదకు ఆయనే రక్షకుడిగా భావిస్తారు.
పూజా విధానం: సాధారణంగా దీపావళి సమయంలో అలాగే ప్రతి శుక్రవారం లక్ష్మీదేవితో పాటు కుబేరుడిని కూడా పూజిస్తే ధనప్రాప్తి కలుగుతుందని నమ్ముతారు. ఆయనను ఆరాధించడం వల్ల అప్పుల బాధలు తొలగి ఆర్థిక స్థిరత్వం లభిస్తుందని భక్తుల విశ్వాసం.
కుబేరుని ఇష్టమైన రాశులు : జ్యోతిష్య నమ్మకాల ప్రకారం కుబేరుడికి కొన్ని ప్రత్యేక రాశులపై ఎక్కువ అనుగ్రహం ఉంటుందని జ్యోతిష్య నిపుణులు చెబుతారు. ఈ రాశుల వారు వ్యాపారం సంపాదన విషయంలో సహజంగానే అదృష్టాన్ని, తెలివితేటలను కలిగి ఉంటారు.
వృషభ రాశి (Taurus) : ఈ రాశి అధిపతి శుక్రుడు, శుక్రుడు సంపదకు, సుఖానికి కారకుడు. ఈ రాశి వారు సహజంగానే పట్టుదల స్థిరమైన సంపాదన కలిగి ఉంటారు. కుబేరుడి అనుగ్రహంతో వీరికి స్థిరాస్తులు మంచి ఆర్థిక స్థితి లభిస్తుంది.
కర్కాటక రాశి (Cancer): ఈ రాశి అధిపతి చంద్రుడు. ఈ రాశి వారు కష్టపడి పనిచేసే గుణంతో పాటు, డబ్బును పొదుపు చేసే స్వభావం కలిగి ఉంటారు. వీరి కుటుంబం పట్ల ఉన్న శ్రద్ధ, నిబద్ధత కారణంగా కుబేరుడి అనుగ్రహం లభిస్తుందని నమ్ముతారు.
తుల రాశి (Libra) : ఈ రాశికి కూడా అధిపతి శుక్రుడు. ఈ రాశి వారు వ్యాపారంలో, సమాజంలో మంచి సంబంధాలను ఏర్పరచుకుంటారు. వీరికి అదృష్టం కలిసి వచ్చి, ఊహించని ధన లాభాలు కలిగే అవకాశం ఎక్కువ.
వృశ్చిక రాశి (Scorpio): ఈ రాశి వారికి నిగూఢ సంపదను, రహస్య ఆదాయాన్ని పొందే యోగం ఉంటుంది. వీరి పట్టుదల లోతైన ఆలోచనా విధానం వీరికి ఆర్థిక విజయాలను చేకూరుస్తుంది.
ఈ రాశులు ఉన్నవారు కుబేరుడిని పూజించడం ద్వారా తమ ఆర్థిక స్థితిని మరింత బలోపేతం చేసుకోవచ్చని పండితులు సూచిస్తారు.
గమనిక: పైన పేర్కొన్న రాశులు జ్యోతిష్య మరియు పురాణ నమ్మకాలపై ఆధారపడి ఉంటాయి.
