ఉసిరికాయ అంటే తెలియని వారు ఉసిరి అంటే ఇష్టపడని వారు వుండరు. ఈ ఉసిరి మన శరీరానికి చేసే అద్భుతమైన ప్రయోజనాల గురించి మీరు ఎన్నో సార్లు విని వుంటారు. ఆయుర్వేదంలో దీనికి ఉన్న ప్రాముఖ్యత అంతా ఇంతా కాదు. చిన్న ఉసిరి కాయలను పోలి ఉండే ఆకులతో ఉండే ఈ మొక్క, మొండి రోగాలను సైతం నయం చేయగల శక్తిని కలిగి ఉంది. ముఖ్యంగా కాలేయ సంబంధిత సమస్యలకు ఇది మేటి మందు. ఆధునిక కాలంలో మనం ఎదుర్కొంటున్న అనేక ఆరోగ్య సమస్యలకు నెల ఉసిరి ఎలా పరిష్కారం చూపుతుందో తెలుసుకుందాం..
నెల ఉసిరి (Phyllanthus niruri) ని ఆయుర్వేదంలో ‘భూమ్యామలకి’ అని పిలుస్తారు. దీనికి ఉన్న అత్యంత విశిష్టమైన గుణం Liver (కాలేయం)ను సంరక్షించడం. కామెర్లు (Jaundice), హెపటైటిస్ వంటి సమస్యలతో బాధపడేవారికి ఇది ఒక వరం లాంటిది. కాలేయంలో పేరుకుపోయిన విషతుల్యాలను (Toxins) బయటకు పంపి, కణజాలాన్ని పునరుద్ధరించడంలో ఇది అద్భుతంగా పనిచేస్తుంది. కేవలం కాలేయమే కాకుండా, శరీరంలోని వేడిని తగ్గించి పిత్త దోషాలను సమతుల్యం చేయడంలో నెల ఉసిరి కీలక పాత్ర పోషిస్తుంది.
నెల ఉసిరికి ‘స్టోన్ బ్రేకర్’ అని కూడా పేరు ఉంది. కిడ్నీలో రాళ్లు (Kidney Stones) ఏర్పడకుండా చూడటమే కాకుండా, ఉన్న రాళ్లను కరిగించి మూత్రం ద్వారా బయటకు పంపే గుణం దీనికి ఉంది. అలాగే, రక్తంలోని చక్కెర స్థాయిలను క్రమబద్ధీకరించడం ద్వారా మధుమేహ వ్యాధిగ్రస్తులకు ఇది మేలు చేస్తుంది. ఇందులోని యాంటీ ఆక్సిడెంట్ మరియు యాంటీ వైరల్ లక్షణాలు రోగనిరోధక శక్తిని పెంపొందించి, సీజనల్ వ్యాధుల నుండి మనల్ని కాపాడుతాయి.
గమనిక: పైన ఇచ్చిన సమాచారం కేవలం అవగాహనా కోసం మాత్రమే, మీకు ఎలాంటి ఆరోగ్య సమస్య వున్న వెంటనే డాక్టర్ ను సంప్రదించండి.
