వ్యవసాయం అంటే అప్పులతో ఆటలాడుకోవడమే.. కష్టపడడం తప్ప బాగుపడటం తెలియని రైతులు..ఉన్నవన్నీ తాకట్టు పెట్టైనా సరే..ఈ సంవత్సరం అయినా మిగుల్తుందేమో అనే ఆశతో పంటలేస్తారు. కానీ సినిమా క్లైమాక్స్‌ ఎన్ని సార్లు చూసినా మాత్రం మారుతుందా ఏంటి.. ఇదీ అంతే..! వ్యవసాయం వల్ల కోట్లు వెనకేసిన రైతు ఒక్కరైనా ఉన్నారా..? మీరు గానీ ఈ పంట వేస్తే..కచ్చితంగా వ్యవసాయానికి ఉన్న అర్థాన్నే మార్చేయొచ్చు..! ఇంతకీ ఆ పంట ఏంటా అనుకుంటున్నారా..?
రైతులు వ్యవసాయం చేయడం ద్వారా ధనవంతులు కావడానికి డ్రాగన్‌ఫ్రూట్ ఒక బెస్ట్ పంటగా చెప్పొచ్చు. దీనిని ప్రధానంగా మలేషియా, థాయ్‌లాండ్, ఫిలిప్పీన్స్, యునైటెడ్ స్టేట్స్ ఆఫ్ అమెరికా మరియు వియత్నాంలలో పండిస్తారు. నిర్దేశిత ప్రమాణాల ప్రకారం డ్రాగన్‌ను పెంచినట్లయితే, బంపర్ ఆదాయాలు పొందవచ్చు. ఎకరం భూమిలో ప్రతి సంవత్సరం మిలియన్ల డాలర్లు సంపాదించవచ్చని నిపుణులు అంటున్నారు.. తొలిదశలో సాగుకు నాలుగు లక్షల రూపాయల వరకు ఖర్చవుతుంది.
డ్రాగన్ ఫ్రూట్ సీజన్‌లో కనీసం మూడు సార్లు పండ్లను ఇస్తుంది. ఒక పండు సాధారణంగా 400 గ్రాముల బరువు ఉంటుంది. ఒక చెట్టు కనీసం 50-60 పండ్లను ఇస్తుంది. ఇండియాలో డ్రాగన్ ఫ్రూట్ ధర కిలో రూ.200 నుంచి రూ.250. అటువంటి పరిస్థితిలో, మీరు ప్రతి చెట్టు నుండి కనీసం ఐదు వేల రూపాయల వరకు సంపాదించవచ్చు.
ఎకరం భూమిలో కనీసం 1700 డ్రాగన్ ఫ్రూట్ చెట్లను నాటవచ్చు. అంటే ఒక ఎకరం పొలంలో వ్యవసాయం చేస్తే సంవత్సరానికి దాదాపు రూ.70 లక్షల వరకు సంపాధించే అవకాశం ఉంది. ఈ మొక్కను నాటిన తర్వాత, మీరు మొదటి సంవత్సరం నుంచి డ్రాగన్ ఫ్రూట్ నుంచి పండ్లు వస్తాయి.
తక్కువ వర్షపాతం ఉన్న ప్రాంతాల్లో కూడా పండు బాగా పెరుగుతుంది. నేల నాణ్యత సరిగా లేకపోయినా పర్వాలేదు. డ్రాగన్ ఫ్రూట్‌ను 20 నుండి 30 డిగ్రీల సెల్సియస్ ఉష్ణోగ్రత వద్ద సులభంగా పెంచవచ్చు. దీని సాగుకు ఎక్కువ సూర్యకాంతి కూడా అవసరం లేదు. మీరు డ్రాగన్ ఫ్రూట్ పెంచాలని ఆలోచిస్తున్నట్లయితే, మీ నేల pH 5.5 నుండి 7 వరకు ఉండాలి. ఇది ఇసుక నేలలో కూడా పెరుగుతుంది. మంచి సేంద్రియ పదార్థం, ఇసుక నేల దీని సాగుకు మంచిది.
ఎప్పుడూ ఆ పాతకాలం పంటలే కాకుండా.. ఒకసారి ఇలా ఆలోచించి.. నిపుణుల సలహా తీసుకుని పెంచి చూడండి. ఇప్పటికే తెలుగు రాష్ట్రాల్లో ఈ సాగు చేస్తున్న యువరైతులు ఉన్నారు. లాభదాయకంగానే ఉందని వారు చెప్తున్నారు. మీ నేలలో ఇది పండించవచ్చో లేదో టెస్ట్‌ చేసుకుని దిగితే..జీవితం యూటర్న్‌ తీసుకోవచ్చేమో..!
