ఇటీవల ఎక్కడ చూసినా ’12th ఫెయిల్’ సినిమా గురించే చర్చ. ఈ సినిమాను బాలీవుడ్ డైరెక్టర్ విధు వినోద్ చోప్రా తెరకెక్కించగా.. విక్రాంత్ మస్సే ప్రధాన పాత్రలో నటించారు. ఈ మూవీ గతేడాది అక్టోబర్ 27న విడుదలై ఊహించని విధంగా బ్లాక్ బస్టర్ హిట్ అందుకుంది. డిసెంబర్ 29 నుంచి ప్రముఖ ఓటీటీ సంస్థ డిస్నీ+ హాట్ స్టార్లో స్ట్రీమింగ్ అవుతోంది. విమర్శకుల ప్రశంసలు అందుకున్న ఈ సినిమా తాజాగా మరో ఘనతను సొంతం చేసుకుంది.
ఇంటర్నెట్ మూవీ డేటాబేస్ (IMDB) తాజాగా ప్రపంచ వ్యాప్తంగా టాప్ 250 ఉత్తమ చిత్రాల జాబితాను విడుదల చేయగా.. ఇందులో ’12th ఫెయిల్’ సినిమా 50వ స్థానంలో ఉంది. టాప్ 50లో ఉన్న ఏకైక ఇండియా సినిమా కూడా ఇదే. ఈ విషయాన్ని డైరెక్టర్ విధు వినోద్ ఎక్స్ ద్వారా తెలిపారు.
‘ఎంతో సంతోషంగా ఉంది. ఇప్పుడు చనిపోయినా ఫర్వాలేదనిపిస్తోంది’ అంటూ విధు వినోద్ ఈ సినిమాపై స్పందించారు. అయితే గతంలోనే ఈ చిత్రం ఐఎమ్డీబీలో అత్యధిక రేటింగ్ పొందిన ఇండియన్ సినిమాగా రికార్డును సొంతం చేసుకుంది. హాలీవుడ్ చిత్రాలను వెనక్కినెట్టి మరి 9.2 రేటింగ్తో సంచలనం సృష్టించింది.
