టోవినో థామస్.. ఈ మలయాళీ హీరో సినిమాల ఎంపికలో తన రూటే సపరేటు అన్నట్లుగా వ్యవహరిస్తున్నాడు. డిఫరెంట్ కాన్సెప్ట్స్తో ప్రేక్షకులను ప్రతిసారి తనదైన శైలిలో అలరిస్తున్నాడు. ప్రేక్షకుల టేస్టుగా తగ్గట్లుగా తన సెలక్షన్తో ఆకట్టుకుంటున్నాడు. తాజాగా థామస్ నటించిన సినిమా 2018. ఈ చిత్రం తెలుగులో డబ్ అయి రిలీజ్ అయింది. డబ్బింగ్ చిత్రమైనా కలెక్షన్లలో దూసుకెళ్లింది.
జూడే ఆంథోని జోసెఫ్‌ దర్శకత్వంలో తెరకెక్కిన 2018 సినిమాలో టోవినో థామస్తో పాటు కుంచకో బోబన్‌, అసిఫ్‌ ఆలీ, లాల్‌ తన్వి రామ్ ప్రధాన పాత్రల్లో నటించారు. 2018లో కేరళలో సంభవించిన వరదల ఇతివృత్తాన్ని తీసుకుని తెరకెక్కించిన ఈ చిత్రం బాక్సాఫీస్‌ వద్ద రికార్డు వసూళ్లు రాబట్టింది.
ఇప్పుడు ఈ మూవీ ఓటీటీలో స్ట్రీమింగ్‌ అయ్యేందుకు సిద్ధమైంది. ‘2018’ ఓటీటీ రైట్స్‌ను సోనీలివ్‌ దక్కించుకున్న సంగతి తెలిసిందే. జూన్‌ 7వ తేదీ నుంచి ఈ చిత్రం స్ట్రీమింగ్‌ కానుంది. సోనీలివ్‌ యాప్‌లో ఇందుకు సంబంధించిన అప్‌డేట్‌ ఇచ్చారు. మలయాళ సినీ చరిత్రలో రూ.150 కోట్లకు పైగా వసూళ్లు రాబట్టిన చిత్రంగా 2018 నిలిచింది.
