అత్యంత ప్రతిష్టాత్మకమైన 96 ఆస్కార్ అవార్డుల వేడుక ఇవాళ తెల్లవారుజామునే ప్రారంభమైంది. నామినేటెడ్ సభ్యులే కాకుండా అభిమానులు ఎంతో ఆసక్తిగా ఎదురుచూసిన ఈ కార్యక్రమం అమెరికా లాస్ ఏంజెల్స్‌లోని డాల్బీ థియేటర్‌లో జరుగుతోంది. అయితే మీరు ఆస్కార్ అవార్డుల ప్రదానోత్సవాన్ని భారతదేశంలో ప్రత్యక్షంగా చూడాలనుకుంటున్నారా
భారతదేశంలో ఇవాళ తెల్లవారుఝామున 4 గంటల నుంచి ఆస్కార్ వేడుకను ప్రత్యక్షంగా వీక్షించవచ్చు. ఇది OTT ప్లాట్‌ఫామ్ డిస్నీ ప్లస్ హాట్‌స్టార్‌లో ప్రత్యక్ష ప్రసారం అవుతోంది. స్టార్ మూవీస్, స్టార్ మూవీస్ హెచ్‌డీ, స్టార్ వరల్డ్‌లో కూడా ఈ ఆస్కార్ అవార్డ్ వేడుకలను ప్రత్యక్షప్రసారం ద్వారా చూడొచ్చు. ఈ ఏడాది ఆస్కార్ ప్రెజెంటర్లలో ఏ భారతీయ స్టార్ పేరును చేర్చలేదు.
ఇజ్రాయెల్, హమాస్ మధ్య జరిగిన యుద్ధంలో ఎంతో మంది ప్రాణాలు కోల్పోయారు.ఈ నేపథ్యంలో పెద్ద వేదికలపై నిరసనలు తెలుపుతున్నారు. అటువంటి పరిస్థితిలో, ఆస్కార్ వేడుకపై ఎటువంటి ప్రభావం లేకుండా ఉండే విధంగా పూర్తి జాగ్రత్తలు తీసుకుంటున్నారు.
