ప్రముఖ నిర్మాత , దర్శకురాలు, హీరోయిన్ గా మంచి గుర్తింపు తెచ్చుకున్న స్వర్గీయ విజయనిర్మల మొదటి భర్త సంతానంగా నరేష్ జన్మించిన విషయం అందరికీ తెలిసిందే. అయితే నరేష్ ఎప్పుడూ కూడా తల్లి యొక్క ఇమేజ్ ను ఉపయోగించుకోకుండా.. తన సొంత ప్రతిభతో ఇండస్ట్రీలోకి అడుగుపెట్టి హీరోగా కొన్ని సినిమాలలో నటించారు. ఆ తర్వాత క్యారెక్టర్ ఆర్టిస్ట్ గా.. కమెడియన్ గా సినిమాలలో నటిస్తూ ఇప్పటికే తన కెరీర్ ను కొనసాగిస్తూ ఉండడం గమనార్హం. అంతేకాదు ఒకానొక సమయంలో మా అసోసియేషన్ కు అధ్యక్షుడిగా కూడా బాధ్యతలు చేపట్టారు. ఇకపోతే ఆయన ఒకటి కాదు రెండు కాదు ఏకంగా మూడు వివాహాలు చేసుకొని ముగ్గురికి కూడా విడాకులు ఇచ్చి ప్రస్తుతం ఒంటరిగా జీవిస్తున్న విషయం తెలిసిందే.
ఇక పవిత్ర లోకేష్ కూడా తన భర్తతో విభేదాలు తలెత్తడంతో దూరంగా ఉంటున్న విషయం తెలిసిందే.
ఈ క్రమంలోనే నరేష్ ను వివాహం చేసుకోవడానికి సిద్ధమైంది. కానీ పవిత్ర లోకేష్ తన మొదటి భర్తతో విడాకులు తీసుకోకపోవడం వల్లే నరేష్ ఆమెను రెండో వివాహం చేసుకోవడానికి ఇబ్బందిగా ఉన్నట్లు సమాచారం. ఇలాంటి వార్తలపై పవిత్ర లోకేష్ స్పందించకపోవడంతో నిజంగానే విడాకులు అనంతరం నరేష్ , పవిత్ర లోకేష్ వివాహం చేసుకోబోతున్నారు అని వార్తలు వినిపిస్తున్నాయి. మరి ఇందులో ఎంత వరకు నిజం ఉందో తెలియాల్సి ఉంది. ఏది ఏమైనా సినీ ఇండస్ట్రీలో మాత్రం ఈ జంటకు మంచి గుర్తింపు ఉంది అని చెప్పడంలో సందేహం లేదు.
