మెగా హీరో వరుణ్ తేజ్ గురించి ప్రత్యేకంగా చెప్పాల్సిన అవసరమే లేదు. తనకంటూ ఓ ప్రత్యేక ఇమేజ్ ని సంపాదించుకున్నాడు. తాజాగా ఆయన నటించిన మూవీ మట్కా. ఈ చిత్రం నవంబర్ 14న ప్రేక్షకుల ముందుకు రాబోతుంది. ఈ మూవీ ప్రమోషన్లలో భాగా తాజాగా ఆయన మీడియాతో మాట్లాడారు. గద్దలకొండ గణేష్ మూవీ తరువాత మరోసారి మళ్లీ మట్కా మాస్ సినిమాతో ప్రేక్షకుల ముందుకు రాబోతున్నానన్నారు.
ఇప్పటికే ఈ మూవీ నుంచి విడుదలైన టీజర్, ట్రైలర్ సినిమా పై మంచి హైప్ క్రియేట్ చేశాయి. సంగీత దర్శకుడు జీవీ ప్రకాశ్ కుమార్ కంపోజ్ చేసిన మట్కా ఆల్బమ్ చార్ట్ హిట్ అయింది. బర్మా నుంచి శరణార్థి గా వైజాగ్ వచ్చిన వాసు అనే అబ్బాయి కథే మట్కా. 1958 నుంచి 1982 వరకు తను అంచెలంచెలుగా ఎలా ఎదిగాడనేది ఈ సినిమా కథనంగా వరుణ్ తేజ్ వెల్లడించారు.
