ఈమధ్య థియేటర్లో సినిమాలు ఇలా రిలీజ్ అవుతున్నాయో లేదో కొద్దిరోజులకే అలా ఓటీటీలోకి వచ్చేస్తున్నాయి. హిట్ సినిమాలు రావడానికి కాస్త సమయం పడుతోంది కానీ థియేటర్లో రిలీజ్ అయి బాక్సాఫీస్ వద్ద బోల్తా పడ్డ సినిమాలు మాత్రం చాలా త్వరగా ఓటీటీలో స్ట్రీమింగ్ అవుతున్నాయి. తాజాగా మెగాస్టార్ చిరంజీవి నటించిన మూవీ భోళా శంకర్ కూడా ఓటీటీలోకి వచ్చేస్తోంది. ప్రముఖ ఓటీటీ సంస్థ నెట్‌ఫ్లిక్స్‌ వేదికగా సెప్టెంబర్‌ 15 నుంచి ఇది సినీ ప్రియులకు అందుబాటులో ఉండనుంది. తెలుగుతో పాటు తమిళం, మలయాళం, కన్నడ, హిందీ భాషల్లో ఇది స్ట్రీమింగ్ కానుంది.
సిస్టర్ సెంటిమెంట్‌ చిరంజీవి ప్రధాన పాత్రలో నటించిన ‘భోళా శంకర్’ సినిమాను మెహర్‌ రమేశ్‌ తెరకెక్కించారు. ఇందులో చిరంజీవి సోదరిగా నటి కీర్తి సురేశ్‌ కీలక పాత్ర పోషించారు. తమన్నా కథానాయికగా నటించింది. ఆగస్టు 11వ తేదీన ప్రేక్షకుల ముందుకు వచ్చిన ఈ సినిమా మిశ్రమ స్పందనలకే పరిమితమైంది. కాగా, ఇప్పుడీ చిత్రం ఓటీటీ విడుదలకు సిద్ధమైంది. ఇంకెందుకు ఆలస్యం.. మెగాస్టార్ ఫ్యాన్స్ ఈనెల 15వ తేదీన ఓటీటీలో భోళాశంకర్ మూవీ చూసేయండి.
