బిగ్ బాస్ మొదలై నాలుగు వారాలు అవుతుంది. ఇప్పటివరకు ముగ్గురు కంటెస్టెంట్లు హౌస్ నుండి బయటకు వెళ్ళారు. ఐతే గత సీజన్లలో ప్రతీ ఆదివారం ఎవరో ఒక అతిధి వచ్చేవారు. నాగార్జునతో పాటు వచ్చే ఆ అతిధి హౌస్ మెంబర్స్ కి ఉత్సహం కలిగించేవారు. అలాగే ప్రేక్షకులకి కూడా ఉత్సాహం వచ్చేది. కానీ ఈ సీజన్లో ఇప్పటి వరకూ అతిధి రాలేదు. కరోనా కారణంగా నాలుగు వారాలు కావొస్తున్నా ఒక్క అతిధి కూడా హౌస్ మేట్స్ ని పలకరించడానికి రాలేదు. తాజా సమాచారం ప్రకారం ఈ వారం హౌస్ మేట్స్ ని పలకరించడానికి అతిధి వస్తుందంటూ వార్తలు వచ్చాయి.
ఆ అతిధి ఎవరో కాదు టాలీవుడ్ టాప్ హీరోయిన్ అనుష్క శెట్టి. నిశ్శబ్దం సినిమా అక్టోబర్ 2వ తేదీ నుండి అమెజాన్ లో స్ట్రీమింగ్ అవుతున్నందున ప్రమోషన్లో భాగంగా బిగ్ బాస్ హౌస్ మేట్స్ ని పలకరించడానికి వస్తుందంటూ పుకార్లు పుట్టించారు. మరి ఈ పుకార్లు నిజమా కాదా అన్నది తేలాలి. ఐతే అనుష్క శెట్టి, ఇప్పట్లో హైదరాబాద్ రావడానికే ఇష్టపడడం లేదట. కరోనా పూర్తిగా తగ్గితే గానీ ఇతర సినిమాల గురించి డిస్కషన్స్ పెట్టుకోవద్దని భావిస్తుందట. ఈ నేపథ్యంలో అనుష్క బిగ్ బాస్ షోకి వస్తుందన్న వార్తలు నిజం కావని తెలుస్తుంది. ఒక వేళ పుకార్లే నిజమయితే నాలుగవ సీజన్లో వచ్చిన మొదటి అతిధిగా గుర్తింపు తెచ్చుకుంటుంది. చూడాలి మరేం జరగనుందో.
