సాధారణంగా ఓ సినీ సెలబ్రిటీ బయటకు వస్తే అక్కడ ఫ్యాన్స్, స్థానికులు గుమిగూడటం సహజం. అదే ఓ స్టార్ హీరో లేదా హీరోయిన్ సందడి చేస్తే.. ఆ ప్లేస్ అభిమానులతో కిక్కిరిసిపోతుంది. లైగర్ ప్రమోషన్స్లో భాగంగా దేశవ్యాప్తంగా పర్యటన చేస్తున్న సెన్సేషనల్ స్టార్ విజయ్దేవరకొండ క్రేజ్ను మనం చూస్తూనే ఉన్నాం. షాపింగ్ మాల్స్, కాలేజెస్.. ఇలా ఆయన ఎక్కడ ప్రచారం చేస్తున్నా అవి ఫ్యాన్స్తో కిక్కిరిసిపోతున్నాయి. పెద్ద ఎత్తున ఆదరణ లభిస్తోంది.
తనకున్న ఫ్యాన్ ఫాలోయింగ్ చూసి విజయే ఆశ్చర్యపోతున్నారు. అయితే ఇప్పుడు అలాంటి అనుభవమే మరో హీరోకు ఎదురైంది. తన చూడటానికి వచ్చిన భారీ అభిమానగణాన్ని చూసి ఆశర్యపోయాడు. తనపై చూపించిన ప్రేమ, అభిమానానికి హర్షం వ్యక్తం చేస్తూ కృతజ్ఞతలు తెలిపాడు. సోషల్మీడియాలో దీనికి సంబంధించిన ఫొటోస్, వీడియోస్ వైరల్గా మారాయి. అతడెవరంటే?
వైవిధ్యమైన కథలతో తరచూ ప్రేక్షకుల్నీ ప్రేక్షకుల్నీ అలరిచించే మాలీవుడ్ స్టార్ టొవినో థామస్. ‘మారి 2’, ‘లూసీఫర్‌’, ఫొరెన్సిక్, కాలా చిత్రాలతో తెలుగు ప్రేక్షకులకు కూడా సుపరిచితుడయ్యాడు. ఇటీవలే కీర్తిసురేశ్తో కలిసి ఆయన నటించిన ‘వాసి’ సినిమా ఓటీటీలో విడుదలై మంచి రెస్పాన్స్ను అందుకుంది. తెలుగు వెర్షన్లో బానే ఆకట్టుకుంది. అయితే ఇప్పుడాయన నటిస్తున్న కొత్త చిత్రం ‘థల్లుమాలా'(Thallumaala). ఈ సినిమా ప్రమోషన్స్లో భాగంగా కొజికోడ్‌ ప్రాంతంలో ఓ మాల్లో ప్రమోషన్స్ ఏర్పాటు చేశారు. అయితే థామస్ను చూసేందుకు అక్కడికి భారీ ఎత్తున ఫ్యాన్స్ తరలివచ్చారు. దీంతో మాల్ మొత్తం ఇసుక పోస్తే రాలనంత జనంతో నిండిపోయింది. వారిని కంట్రోల్ చేయడం కష్టమైంది.
దీంతో చేసేదేమిలేక ఆ ఈవెంట్ను క్యాన్సిల్ చేయాల్సి వచ్చింది. అయితే ఈ ఈవెంట్కు సంబంధించిన ఫొటోలను సోషల్మీడియాలో పోస్ట్ చేసిన థామస్ షాక్ అయినట్లు తెలిపాడు. ఇంత మంది వస్తారని తాను ఊహించలేదని పేర్కొన్నాడు. తనపై చూపిస్తున్న ప్రేమ, అభిమానానికి కృతిజ్ఞతలు తెలిపాడు.
కాగా, థల్లుమాలా చిత్రాన్ని ఖలీద్ రెహ్మన్ తెరకెక్కించారు. కల్యాణి ప్రియదర్శన్, షైన్ టామ్ చాకో ప్రధాన పాత్రలు పోషించారు. ఇప్పటికే విడుదలై పోస్టర్, ట్రైలర్ సినిమాపై అంచనాలను పెంచాయి. సోషల్మీడియాలో కూడా బాగా ట్రెండ్ అయ్యాయి.
